Maithili Thakur Constituency: बिहार विधानसभा निवडणुकीसाठी भाजपने उमेदवारांची दुसरी यादी जाहीर केली. दुसऱ्या यादीत १२ उमेदवारांच्या नावाची घोषणा करण्यात आली आहे. दुसऱ्या यादीत मैथिली ठाकूर यांच्या नावाचाही समावेश आहे. मैथिली ठाकूर या दरभंगा जिल्ह्यातील अलीनगर विधानसभा मतदारसंघातून लढणार आहे. भाजपने बक्सर विधानसभा मतदारसंघातून आयपीएस अधिकारी आनंद मिश्रा यांना उमेदवारी दिली आहे.
भाजपने पहिल्या यादीत ७१ उमेदवारांची नावे जाहीर केली होती. दुसऱ्या यादीत १२ उमेदवार असून, मैथिली ठाकूर यांच्या पक्षप्रवेशानंतर ही यादी जाहीर करण्यात आली आहे.
मुजफ्फरपूर विधानसभा मतदारसंघातून रंजन कुमार यांना तिकीट दिले आहे. या मतदारसंघात भाजपचे सुरेश शर्मा हे उमेदवार असायचे, पण यावेळी त्यांना तिकीट नाकारण्यात आले आहे. आयपीएस आनंद मिश्रा हे बक्सर विधानसभा मतदारसंघातून लढणार आहेत.
मैथिली ठाकूरने मंगळवारी (१४ ऑक्टोबर) पाटणा येथे भाजपमध्ये प्रवेश केला होता. भाजप प्रवेशानंतर मैथिली ठाकूर यांच्या निवडणूक लढवण्यावर शिक्कामोर्तब झाले होते. मैथिली ठाकूर यांनीही या मतदारसंघातून निवडणूक लढवण्याची इच्छा व्यक्त केली होती.
कोणाचे तिकीट कापले?
भाजपने कुसुम देवी यांचे तिकीट कापले आहे. त्यांच्या गोपालगंज विधानसभा मतदारसंघातून भाजपने सुभाष सिंह यांना उमेदवारी दिली आहे. याचबरोबर बाढ विधानसभा मतदारसंघातून भाजपने ज्ञानेंद्र सिंह यांचे तिकीट कापले असून, सियाराम सिंह यांना निवडणुकीच्या मैदानात उतरवले आहे. मुजफ्फरपूर विधानसभा मतदारसंघातून सुरेश शर्मा यांचेही तिकीट कापण्यात आले आहे. रंजन कुमार यांना संधी देण्यात आली आहे.
Web Summary : BJP's second list for Bihar elections is out, revealing Maithili Thakur contesting from Alinagar. IPS Anand Mishra gets Buxar ticket. Incumbents like Suresh Sharma faced ticket cuts in favor of new faces like Ranjan Kumar. Kusum Devi and Gyanendra Singh also lost their seats.
Web Summary : भाजपा ने बिहार चुनाव के लिए दूसरी सूची जारी की, जिसमें मैथिली ठाकुर अलीनगर से चुनाव लड़ेंगी। आईपीएस आनंद मिश्रा को बक्सर से टिकट मिला। सुरेश शर्मा जैसे मौजूदा विधायकों के टिकट काटे गए और रंजन कुमार को मौका मिला। कुसुम देवी और ज्ञानेंद्र सिंह को भी टिकट नहीं मिला।