महादुला रामटेक.... विज्ञान प्रदर्शन

व�

��द्यार्थ्यांनी मांडल्या १५४ प्रतिकृती
रामटेक तालुका विज्ञान प्रदर्शनाची सांगता
महादुला (रामटेक) : परिसरातील मुसेवाडी येथील मातोश्री काशीदेवी विद्यालयात तालुका विज्ञान प्रदर्शनाचे नुकतेच आयोजन करण्यात आले. या विज्ञान प्रदर्शनात विविध शाळांच्या विद्यार्थ्यांनी १५४ प्रतिकृती सादर केल्या. कार्यक्रमाचे उद्घाटन आ. डी.एम. रेड्डी यांच्या हस्ते करण्यात आले. अध्यक्षस्थानी पंचायत समिती सभापती किरण धुर्वे होत्या. यावेळी उपसभापती प्रणाली सरोदे, जि.प. सदस्य शोभा झाडे, दुर्गा सर्याम, शांता कुमरे, पं. स. सदस्य चौलीवार, हरिसिंग सरोते, कल्पना गोंगले, छाया वंजारी, सोहनलाल यादव, सरपंच बद्रिनाथ साळवे, प्रभारी गटशिक्षणाधिकारी सोनिया यादव, ज्येष्ठ शिक्षण विस्तार अधिकारी भास्कर झोडे, मुख्याध्यापक नरेंद्र फाले आदी उपस्थित होते.
या विज्ञान प्रदर्शनात तालुक्यातून १५४ प्रतिकृती ठेवण्यात आल्या. यात आदिवासी गटात प्रॉव्हिडन्स स्कूल मनसरच्या नीरज जाधव यांच्या ट्रेनपासून वीजनिर्मिती प्रतिकृतीने प्रथम क्रमांक पटकावला. श्रीराम प्राथमिक शाळा वाहीटोला येथील नितीन जनबंधू यांच्या स्वच्छ गावाला द्वितीय, तर श्रीराम विद्यालय रामटेकच्या हिमांशू डडुरे, हर्षल लोखंडे यांच्या युझन्स टेक्नॉलॉजीला तृतीय पुरस्कार प्रदान करण्यात आला.
बिगर आदिवासी माध्यमिक गटात श्रीराम विद्यालयाचा रोहित चरडे, राहुल मानकर यांची प्रतिकृती प्रथम, समर्थ विद्यालय रामटेकचा राहुल शेळके याच्या जनरेटींग इलेक्ट्रिसिटी फॉर्म रेल्वे रनिंग व्हील या प्रतिकृतीस द्वितीय, मुसेवाडी विद्यालयातील अभिषेक टेंभुर्णे यांच्या सिक्रेट कार पार्किर्ंगला तृतीय बक्षिसाने गौरविण्यात आले.
आदिवासी प्राथमिक गटात अंकित काळे प्रथम, हिवराबाजार शाळेची कल्याणी बमनोटे द्वितीय, व प्रकाश हायस्कूल कांद्रीच्या अर्पिता मेश्राम हिने तृतीय क्रमांक पटकावला. बोथियापालोराच्या अर्पणा भलावी प्रथम, शांतीनिकेतन स्कूलचा प्रतीक चव्हाण द्वितीय तर नवजीवन हायस्कूल पथरईच्या चेतन गुडेश्वर याच्या प्रतिकृतीस तृतीय क्रमांक देण्यात आला.
शिक्षकांच्या प्रतिकृतीत माध्यमिक गटात उल्हास इटनकर, प्राथमिक गटात रामेश्वर थोटे, प्रयोगशाळा परिचर गटात के.एस. पगाडे, सचिन चव्हाण, लोकसंख्या शिक्षण गटात सुनील वेळेकर यांच्या प्रतिकृतींची निवड करण्यात आली. प्रसंगी विद्यार्थ्यांनी विविध सांस्कृतिक कार्यक्रम सादर केले. कार्यक्रमाचे संचालन दीपक गिरधर यांनी तर आभार फाले यांनी मानले. (वार्ताहर)