Madhya Pradesh CM: मध्यप्रदेशचे मुख्यमंत्री डॉ. मोहन यादव शनिवारी खंडवा जिल्ह्याच्या दौऱ्यावर असताना त्यांचे हेलिकॉप्टर हवेत असंतुलित झाल्याची घटना घडली. पंधाना येथे राज्यस्तरीय 'लाडली बहना योजना' कार्यक्रम आटोपल्यानंतर मुख्यमंत्री भोपाळकडे रवाना होत असताना हेलिकॉप्टर हवेतच काही सेकंदांसाठी असंतुलित झाल्याचे दृश्य दिसून आले. या घटनेमुळे उपस्थितांची काही काळ श्वास रोखला गेला.
हेलिकॉप्टर मागे सरकल्याने खळबळ
उड्डाणानंतर हेलिकॉप्टर पुढे जाण्याऐवजी काही क्षण मागील दिशेने सरकत असल्याचे दिसून आले. त्यामुळे हेलीपॅड परिसरात गोंधळाचे वातावरण निर्माण झाले. या घटनेचा व्हिडीओ सध्या सोशल मीडियावर मोठ्या प्रमाणात व्हायरल होत आहे.
धुळीमुळे संतुलन बिघडले...
हेलिकॉप्टर उड्डाण घेताच हेलीपॅड परिसरात धुळीचे वादळ उडाल्याचे दिसून आले. यावरून PWD विभागाकडून आवश्यक पाणी मारणे व रोलिंग न केल्याची शक्यता व्यक्त केली जात आहे. कार्यक्रमाच्या वेळी तीव्र ऊन असल्याने धूळ नियंत्रणासाठी आवश्यक खबरदारी घेतली गेली नसल्याचा आरोप होत आहे. या धुळीमुळे काही क्षण हेलिकॉप्टर असंतुलित झाले, ज्याला मुख्यमंत्र्यांच्या सुरक्षेतील त्रुटी म्हणूनही पाहिले जात आहे.
पायलटच्या कौशल्यामुळे मोठा अनर्थ टळला
अशा परिस्थितीत पायलटने प्रसंगावधान आणि कौशल्य दाखवत तत्काळ परिस्थिती नियंत्रणात आणली. काही क्षणांतच हेलिकॉप्टरने धुळीतून सुरक्षित उंची गाठली. त्यानंतर मुख्यमंत्री डॉ. मोहन यादव यांचा खंडव्यातून भोपाळपर्यंतचा प्रवास पूर्णतः सुरक्षित पार पडला.
प्रशासन व उपस्थितांना दिलासा
या घटनेनंतर प्रशासनातील अधिकारी आणि उपस्थित लोकप्रतिनिधींनी सुटकेचा श्वास घेतला. घटनेची चौकशी होण्याची शक्यता असून सुरक्षेच्या उपाययोजनांवर प्रश्न उपस्थित होत आहेत.
Web Summary : Madhya Pradesh CM Mohan Yadav's helicopter briefly became unstable during takeoff in Khandwa due to dust. The pilot's skill averted a major accident. An inquiry is expected regarding the security lapse and dust control measures.
Web Summary : खंडवा में उड़ान भरते समय धूल के कारण मध्य प्रदेश के मुख्यमंत्री मोहन यादव का हेलीकॉप्टर अस्थिर हो गया। पायलट की कुशलता से एक बड़ा हादसा टल गया। सुरक्षा चूक और धूल नियंत्रण उपायों के संबंध में जांच की उम्मीद है।