नवी दिल्ली - प्रेमाचे वेगवेगळे भन्नाट किस्से आपण नेहमीच ऐकत असतो. कोण कधी कोणाच्या कसं प्रेमात पडेल हे सांगता येत नाही. अशीच एक घटना समोर आली आहे. दोन बहिणी एकमेकींच्या प्रेमात पडल्या आहेत. घरातून पळून जाऊन त्यांनी लग्नगाठ बांधली आहे. विशेष म्हणजे भावानेच यांचं कन्यादान केलं आहे. मात्र या मुलींच्या आई-वडिलांना लग्नाचा पत्ताच नाही. मुलींच्या लग्नाचे फोटो आणि व्हिडीओ सोशल मीडियावर जोरदार व्हायरल झाले आहेत. हाच व्हिडीओ पाहून मुलींच्या कुटुंबीयांना लग्न झाल्याची माहिती मिळाली आणि त्यांच्या पायाखालची जमीनच सरकली.
मिळालेल्या माहितीनुसार, पंजाबच्या जगराओमधील सवदी कलांमध्ये दोन चुलत बहिणींनी एकमेकींशी लग्न केलं आहे. सध्या या लग्नाची सर्वत्र जोरदार चर्चा सुरू असून एकच खळबळ उडाली आहे. मुलींनीच आपल्या लग्नाचा व्हिडीओ सोशल मीडियावर व्हायरल केला. तो मुलींच्या नातेवाईकांपर्यंत देखील पोहोचला आणि त्यांना मोठा धक्काच बसला. व्हायरल होणाऱ्या व्हिडीओमध्ये या दोघी एकमेकांना हार घालताना दिसत आहे. इतकंच नाही तर एका मुलीने दुसरीला कुंकूदेखील लावलं आहे. हा धक्कादायक प्रकार समोर आल्यावर गावकऱ्यांनी त्यांच्या लग्नाला विरोध केला आहे.
मुलींच्या कुटुंबीयांना त्यांच्या या प्रेमाची अजिबात कल्पना नव्हती त्यामुळे लग्नाचा व्हिडीओ पाहिल्यावर ते हैराण झाले. मात्र त्यांच्या भावाने त्यांचं कन्यादान केलं असून तो लग्नाला उपस्थित होता. कुटुंबीयांनी आता मुलींचा स्वीकार करण्यास नकार दिला आहे. या प्रकरणात गावातील सरपंचाने देखील अशा कृत्यामुळे आजूबाजूचं वातावरणही बिघडतं. त्यामुळे या मुलींना गावात राहू देणार नसल्याचं गावकऱ्यांनी म्हटलं आहे. सध्या या लग्नाचीच सर्वत्र जोरदार चर्चा रंगली आहे. एका हिंदी वेबसाईटने याबाबतचे वृत्त दिले आहे.
देशात अनेक अजब-गजब घटना या घडत असतात. अशीच एक घटना आता पश्चिम बंगालमध्ये घडली आहे. एका शेळीने तब्बल 8 पाय (8 Legs and 2 hips) असणाऱ्या पिल्लाला जन्म दिल्याची घटना समोर आली आहे. या शेळीच्या पिल्लाचे फोटो सध्या सोशल मीडियावर जोरदार व्हायरल होतं आहेत. फोटो पाहून अनेकांना आश्चर्याचा धक्का बसला असून काहींनी हा चमत्कार असल्याचं म्हटलं आहे. पिल्लाला पाहण्यासाठी लोकांची एकच झुंबड उडाली. गावकऱ्यांसोबतच इतरही लोकांनी या गावात धाव घेत मोठी गर्दी केल्याची माहिती मिळत आहे. पश्चिम बंगालच्या बनगावातील कमलेघा परिसरात ही अजब घटना घडली आहे. सरस्वती मोंडल या महिलेकडे शेळ्य़ा, गाय यासह अनेक पाळीव प्राणी आहेत. त्याच्याकडील शेळीने दोन पिल्लांना जन्म दिला. त्यातील एक पिल्लू सामान्य होतं. तर दुसऱ्या पिल्लाला आठ पाय होते.