उत्तर प्रदेशातील बहराइच येथे बिबट्याच्या हल्ल्याने ग्रामस्थांमध्ये भीतीचे वातावरण पसरले आहे. अंगणात खेळणाऱ्या मुलीवर बिबट्याने हल्ला केला, या हल्ल्यात चार वर्षाच्या मुलीचा मृत्यू झाला. तिचा मृतदेह तिच्या घरापासून सुमारे ५० मीटर अंतरावर आढळून आला. ही घटना कतरनियाघाट वन्यजीव विभागाच्या निशाणगड रेंज अंतर्गत येणाऱ्या रामपुरवा ग्रामपंचायतीच्या मुखिया फार्म गावात घडली.
निशाणगड रेंजमधील रामपुरवा ग्रामपंचायतीच्या मुखिया फार्म गावात ही घटना घडली. स्थानिक रहिवासी मनोज यांची चार वर्षांची मुलगी अनुष्का आपल्या घराच्या अंगणात खेळत होती. यावेळी जवळच असलेल्या उसाच्या शेतात दबा धरून बसलेल्या बिबट्याने अचानक तिच्यावर हल्ला केला. बिबट्याने अनुष्काला ओढत घरापासून ५० मीटर अंतरावर असलेल्या कालव्याजवळील झुडपात नेले.
कुटुंबियांनी आरडाओरड करत मुलीचा शोध घेतला असता ती जखमी अवस्थेत सापडली. तिच्या मानेला आणि गळ्याला बिबट्याने गंभीर जखमा केल्या होत्या. रक्ताच्या थारोळ्यात पडलेल्या अनुष्काला कुटुंबियांनी तातडीने रुग्णालयात नेले, मात्र वाटेतच तिचा मृत्यू झाला. या घटनेची माहिती मिळताच परिसरात शोककळा पसरली असून संतप्त गावकऱ्यांनी घटनास्थळी मोठी गर्दी केली. कतरनियाघाट वन्यजीव अभयारण्य जवळच असल्याने वन्य प्राणी वारंवार मानवी वस्तीत घुसतात. या भीषण घटनेमुळे गावकऱ्यांमध्ये प्रचंड दहशत असून, नागरिकांनी संध्याकाळच्या वेळी घराबाहेर पडणे टाळत आहेत.
घटनेची माहिती मिळताच पोलीस आणि वन विभागाचे अधिकारी घटनास्थळी दाखल झाले. वन विभागाने या परिसरात गस्त वाढवण्याची मागणी ग्रामस्थांनी केली आहे. तसेच, नरभक्षक बिबट्याचा बंदोबस्त करण्यासाठी तातडीने पावले उचलण्याची मागणी होत आहे.
Web Summary : In Bahraich, Uttar Pradesh, a leopard attacked and killed a four-year-old girl playing outside her home. The incident occurred near the Katarniaghat Wildlife Sanctuary, sparking fear and anger among villagers who are demanding increased patrols and the capture of the leopard.
Web Summary : उत्तर प्रदेश के बहराइच में तेंदुए ने एक चार साल की बच्ची को मार डाला, जो अपने घर के बाहर खेल रही थी। घटना कतर्नियाघाट वन्यजीव अभयारण्य के पास हुई, जिससे ग्रामीणों में डर और गुस्सा है। ग्रामीण गश्त बढ़ाने और तेंदुए को पकड़ने की मांग कर रहे हैं।