आज बिहार विधानसभेत मोठा गोंधळ निर्माण झाला. भाजप आमदारांनी राज्य सरकारविरोधात आंदोलन केलं. यानंतर पोलिसांनी आंदोलन करणाऱ्या भाजप नेत्यांवर लाठीचार्ज केला. या घटनेत एका भाजप नेत्याचा मृत्यू झाल्याची माहिती समोर आली आहे. पाटणा येथील डाकबंगला चौकात पोलिसांनी बळाचा वापर केल्याचे भाजप नेत्यांचे म्हणणे आहे. जहानाबाद शहरात झालेल्या लाठीचार्जमध्ये भाजपचे सरचिटणीस विजय कुमार सिंह यांचा मृत्यू झाला आहे.
पोलिसांनी केलेल्या लाठीचार्जमध्ये विजय जखमी झाले. त्यांना रुग्णालयात दाखल केले असता डॉक्टरांनी त्यांना मृत घोषित केले. या घटनेनंतर राजकारण चांगलेच तापले आहे. भाजप अध्यक्ष जेपी नड्डा यांनी याप्रकरणी नितीश सरकारला घेरले आहे. भाजप अध्यक्ष जेपी नड्डा यांनी ट्विट केले आहे. नड्डा म्हणाले, पाटण्यात भाजप कार्यकर्त्यांवर झालेला लाठीचार्ज हा राज्य सरकारच्या अपयशाचा आणि रागाचा परिणाम आहे. भ्रष्टाचाराचा बालेकिल्ला वाचवण्यासाठी महाआघाडीचे सरकार लोकशाहीवर आघात करत आहे, बिहारच्या मुख्यमंत्र्यांनाही नैतिकतेचा विसर पडून आरोपपत्र झालेल्या व्यक्तीला वाचवले आहे.
टोमॅटोचे दर पाडण्यासाठी केंद्र सरकारचा एकतर्फी हस्तक्षेप निषेधार्ह; किसान सभेचा हल्लाबोल
याआधी गुरुवारी सभागृहात प्रचंड गदारोळ झाला. शिक्षकांच्या नियुक्तीचा मुद्दा उपस्थित झाल्यावर सत्ताधारी आणि विरोधकांमध्ये जोरदार वादावादी झाली. भाजप सदस्यांनी वेल येथे पोहोचून सरकारला घेराव घातला आणि निदर्शने केली, त्यानंतर भाजपच्या दोन आमदारांना विधानसभेतून बाहेर काढण्यात आले. त्यानंतर रॅली काढणाऱ्या आमदार आणि नेत्यांवर पोलिसांनी लाठीमार केला.
नितीश सरकारच्या विरोधात भाजपने गुरुवारी विधानसभेत मोर्चा काढला आहे. विधानसभेचे कामकाज सुरू होताच भाजप आमदारांनी सभागृहात गदारोळ सुरू केला. उपमुख्यमंत्री तेजस्वी यादव यांना बडतर्फ करण्याच्या मागणीने जोर धरला आहे. भाजपने भ्रष्टाचार, रोजगार आणि शिक्षक नियुक्तीवर प्रश्न उपस्थित करत सभागृहाची वेल गाठली.
भाजपने विधानसभेतून सभात्याग केला, नंतर भाजप आमदार जीवेश मिश्रा आणि शैलेंद्र यांना सभापतींच्या सूचनेवरून सभागृहाबाहेर हाकलण्यात आले. मार्शल्सनी दोन्ही आमदारांना बाहेर काढले. सत्ताधारी पक्षासाठी एकतर्फी कारवाई करत असल्याचा आरोप दोघांनी सभापतींवर केला. त्यानंतर विरोधी पक्षनेते विजयकुमार सिन्हा यांच्या नेतृत्वाखाली भाजपच्या सर्व आमदारांनी विधानसभेतून सभात्याग केला.
सभागृहातून बाहेर पडल्यानंतर भाजपचे आमदार आधी धरणे धरून बसले आणि नंतर गांधी मैदानाकडे रवाना झाले. नंतर भाजपने गांधी मैदानातून विधानसभेपर्यंत पदयात्रा सुरू केली. यावेळी पोलिसांनी डाक बंगला चौकात भाजप नेत्यांवर लाठीमार केला.