RG Kar Medical College Crime : पश्चिम बंगालच्या कोलकाता येथील आरजी कार मेडिकल कॉलेजच्या डॉक्टरने केलेल्या क्रूरतेमुळे देशभरात खळबळ उडाली आहे. डॉक्टरवर बलात्कार करून खून केल्याप्रकरणी पोलिसांनी आरोपी संजय रॉयला अटक केली आहे. त्याने पोलिसांसमोर आपला गुन्हा कबूल केला आहे. डॉक्टरच्या बलात्कार आणि हत्येवरून अटकेत असलेला आरोपी संजय रॉय याच्याबाबत धक्कादाय माहिती समोर आली आहे. डॉक्टरची हत्या करण्याआधी आरोपीने काय केलं होतं हे समोर आलं आहे. या सगळ्या प्रकाराआधी मृत डॉक्टर चार सहकाऱ्यांसोबत अशी माहिती पोलिसांना मिळाली आहे.
पश्चिम बंगालमधील कोलकाता येथे शुक्रवारी एका महिला प्रशिक्षणार्थी डॉक्टरवर बलात्कार करून तिची हत्या करण्यात आली. पोलिसांच्या प्राथमिक शवविच्छेदन अहवालात प्रशिक्षणार्थी डॉक्टरचे डोळे, तोंड आणि प्रायव्हेट पार्टमधून रक्तस्त्राव झाल्याचे समोर आले आहे. याशिवाय महिला डॉक्टरच्या मानेचे हाडही तुटले होते. पोलिसांनी अटक केलेल्या संजय रॉयने त्या दिवसाचा घटनाक्रम सांगितला आहे. या प्रकरणात कोलकाता पोलीस आता मृत डॉक्टरच्या चार साथीदारांची चौकशी करणार आहेत जे घटनेपूर्वी तिच्यासोबत होते.
गुरुवारी रात्री, या भीषण घटनेच्या काही तास आधी, ३१ वर्षीय महिला डॉक्टरने केवळ त्याच्या चार सहकाऱ्यांसोबत जेवण केले नाही तर नीरज चोप्राची ऑलिम्पिक मॅचही एकत्र पाहिली. नीरजची ऑलिम्पिकमधील स्पर्धा पाहतच सर्वांनी एकत्र जेवण केलं होतं. यानंतर पीडित महिला डॉक्टरने तिच्या आईला फोन केला आणि जेवल्याची माहिती दिली.. रात्रीचे जेवण झाल्यानंतर मृत डॉक्टरचे सर्व सहकारी ड्युटीसाठी गेले, तर ती स्वत: सेमिनार हॉलमध्ये अभ्यासासाठी गेली होती. अभ्यासदरम्यान पीडिता तिथेच झोपी गेली होती.
पोलिसांनी यासंदर्भातील सीसीटीव्ही फुटेज मिळवले असून त्याध्ये संजय रॉय पहाटे ४ वाजताच्या सुमारास इमारतीत प्रवेश करताना दिसत आहे, जिथे ती महिला डॉक्टर होती. त्यानंतर शुक्रवारी सकाळी साडेसातच्या सुमारास महिला डॉक्टरचा मृतदेह तेथे आढळून आला. प्राथमिक तपासात तिच्या डोळ्यावर, तोंडावर, चेहऱ्यावर आणि प्रायव्हेट पार्टवर जखमांच्या खुणा आढळल्या आहेत.