खापा....

ट�

��रकच्या धडकेत दुचाकीस्वाराचा मृत्यू
खापा : भरधाव ट्रकच्या धडकेत दुचाकीस्वाराचा जागीच मृत्यू झाल्याची घटना खापा पोलीस ठाण्याच्या हद्दीतील सिरोंजी शिवारातील सुरेवानी फाट्यालगत मंगळवारी सायंकाळच्या सुमारास घडली. या अपघातात दुचाकीवरील अन्य एक जण गंभीर जखमी झाला.
गणपत बिरबल सलामे (४५) असे मृताचे नाव असून महादेव रंगलाल शेबतकर (४५) दोन्ही रा. सिरोंजी असे जखमीचे नाव आहे. गणपत सलामे व महादेव शेबतकर हे दोघेजण एमएच-३१/पीएफ-७८७१ क्रमांकाच्या दुचाकीने नागलवाडी येथून सिरोंजीकडे जात होते. दरम्यान सुरेवानी फाट्यालगत विरुद्ध दिशेने येणाऱ्या एमएच-३१/सीक्यू-२८७१ क्रमांकाच्या भरधाव ट्रकने त्यांच्या दुचाकीला जबर धडक दिली. यात दुचाकीवरील दोघेही गंभीररीत्या जखमी झाले. गणपतचा जागीच मृत्यू झाला तर महादेव हा गंभीर जखमी झाला. घटनेची माहिती मिळताच खापा पोलिसांनी घटनास्थळ गाठले. जखमी महादेवला नागपूर येथे उपचारार्थ हलविले. या प्रकरणी खापा पोलिसांनी आरोपी ट्रकचालक मुकेश भोलानाथ तिवारी (४९, रा. कामठा, जि. गोंदिया) याच्याविरुद्ध गुन्हा दाखल करून अटक केली. पुढील तपास प्रभारी ठाणेदार विजयकुमार तिवारी यांच्या मार्गदर्शनात हेड कॉन्स्टेबल दशरथ लोहकरे करीत आहेत. (प्रतिनिधी)