कर्नाटकातील विधानसभा निवडणुकीसाठी सर्वच पक्षांनी गुन्हेगारी रेकॉर्ड असलेले अनेक उमेदवार उभे केले आहेत. एका आमदारावर तर बलात्कार केल्याचा गुन्हा दाखल आहे. असोसिएशन फॉर डेमोक्रॅटिक रिफॉर्म्स (एडीआर) च्या अहवालानुसार, काँग्रेस पक्षाच्या ३१ टक्के, भाजपच्या ३० टक्के तर जेडीएसच्या २५ टक्के उमेदवारांवर गंभीर गुन्हे दाखल आहेत. निवडणूक आयोगाकडे सादर करण्यात आलेल्या प्रतिज्ञापत्रात ही माहिती देण्यात आली आहे.
४०४ उमेदवारांवर किमान पाच वर्षे किंवा त्याहून अधिक शिक्षेसाठी पात्र असलेले गंभीर गुन्हेगारी खटले दाखल आहेत. २५४ उमेदवारांवर २०१८ च्या विधानसभा निवडणुकीदरम्यान गंभीर गुन्हेगारी खटले होते. त्यानंतर २०२३ पर्यंत यात ६ टक्के वाढ झाली आहे.४०४ उमेदवारांपैकी ४९ उमेदवारांनी महिलांवरील गुन्ह्यांशी संबंधित गुन्हे घोषित केले आहेत, त्यापैकी एक गुन्हा बलात्काराशी संबंधित आहे. ८ उमेदवारांवर हत्येशी संबंधित गुन्हे आहेत. ३५ उमेदवारांवर खुन करण्याचा प्रयत्न केल्याचे गुन्हे दाखल आहेत.
गंभीर गुन्हेगारी खटले कुणावर? काँग्रेसच्या २२१ उमेदवारांपैकी ६९ जणांवरभाजपच्या २२४ उमेदवारांपैकी ६६ जणांवरजेडीएसच्या २०८ उमेदवारांपैकी ५२ उमेदवारांवरआम आदमी पार्टीच्या २११ उमेदवारांपैकी ३० जणांवर