Amry Chief meets Subedar Parvej Ahmed: लष्करप्रमुख जनरल उपेंद्र द्विवेदी आज जम्मू आणि काश्मीरमध्ये पोहोचले. तेथे त्यांनी पूंछ जिल्ह्यातील काही विभागांना भेट दिली आणि तेथे तैनात असलेल्या सैन्याच्या ऑपरेशनल तयारीचा आढावा घेतला. तसेच त्याठिकाणी तैनात असलेल्या जवानांशी संवाद साधला. त्यांनी सैन्याच्या उच्च मनोबल आणि ऑपरेशनल तयारीचे कौतुक केले. या भेटीदरम्यान, लष्करप्रमुख पूंछमधील कामसर गावात थांबले. तिथे त्यांनी १८ जम्मू आणि काश्मीर रायफल्सचे सुभेदार (मानद कॅप्टन) परवेझ अहमद (निवृत्त) यांची भेट घेतली. दोघांनी एकमेकांना मिठी मारली आणि एकमेकांशी संवाद साधला.
सुभेदार परवेझ अहमद यांच्याशी भेट विशेष का?
ही भेट विशेष होती कारण २००२ ते २००५ दरम्यान सुभेदार परवेझ अहमद हे लष्करप्रमुख द्विवेदी यांच्या युनिटमध्ये तैनात होते. जनरल उपेंद्र द्विवेदी या बटालियनचे नेतृत्व करत होते. सुभेदार परवेझ अहमद मार्च १९९१ मध्ये सैन्यात सामील झाले आणि २५ वर्षांच्या सेवेनंतर मार्च २०१९ मध्ये निवृत्त झाले. निवृत्त लष्करी कर्मचाऱ्यांनी ऑपरेशन सिंदूरमध्येही भूमिका बजावली. अशा आपल्या जुन्या सहकाऱ्याला भेटून लष्करप्रमुख द्विवेदीही आनंदी झाले.
सुभेदार परवेझ कोण आहे?
सुभेदार परवेझ यांनी स्पष्ट केले की त्यांनी आणि जनरल द्विवेदी यांनी २००२ ते २००५ दरम्यान बटालियनचे नेतृत्व करताना अनेक वेळा एकत्र काम केले. सुभेदार परवेझ अहमद मार्च १९९१ मध्ये भारतीय सैन्यात सामील झाले आणि २५ वर्षांच्या सेवेनंतर मार्च २०१९ मध्ये निवृत्त झाले. त्यांच्या कारकिर्दीत, सुभेदार परवेझ यांनी प्रशिक्षण संस्थांमध्ये प्रशिक्षक म्हणून काम केले. तसेच, ऑपरेशनल आणि प्रशिक्षण भूमिकांमध्ये मोठ्या प्रमाणात काम केले. त्यांनी विविध विशेष अभ्यासक्रमांमध्येही उत्कृष्ट कामगिरी केली आणि त्यांच्या सेवेसाठी त्यांना सन्मानित करण्यात आले.
'वेटरन अचीव्हर' पुरस्कार प्रदान
ऑपरेशन सिंदूर दरम्यान परवेझ यांचे सततचे योगदान आणि त्यांना मिळालेल्या पाठिंब्याबद्दल, लष्करप्रमुखांनी त्यांच्या भेटीदरम्यान त्यांना 'वेटरन अचीव्हर' पुरस्कार प्रदान केला. या प्रसंगी कुटुंबातील सदस्य, माजी सैनिक आणि स्थानिक रहिवासी उपस्थित होते. लष्कर प्रमुखांच्या भेटीदरम्यान, महिला आणि मुलांसह या भागातील अनेक माजी सैनिक आणि नागरिकांनीही लष्करप्रमुखांची भेट घेतली. ही अनौपचारिक भेट जम्मू आणि काश्मीरच्या सीमावर्ती जिल्ह्यांमधील सेवारत कर्मचारी, माजी सैनिक आणि नागरिकांमधील घनिष्ठ संबंधांचे प्रतीक ठरली.
Web Summary : Army Chief General Dwivedi met retired Subedar Parvez Ahmed in Poonch, a former colleague from his battalion. Ahmed, a veteran of Operation Sindoor, was honored with the 'Veteran Achiever' award. The visit highlighted the strong bond between the army, veterans, and civilians in Jammu and Kashmir.
Web Summary : आर्मी चीफ जनरल द्विवेदी ने पूंछ में सेवानिवृत्त सूबेदार परवेज़ अहमद से मुलाकात की, जो उनकी बटालियन के पूर्व सहयोगी थे। ऑपरेशन सिंदूर के अनुभवी अहमद को 'वेटरन अचीवर' पुरस्कार से सम्मानित किया गया। इस यात्रा ने जम्मू और कश्मीर में सेना, दिग्गजों और नागरिकों के बीच मजबूत बंधन को उजागर किया।