Pakistan Economic Crisis: आपल्या शेजारील देश पाकिस्तानचीअर्थव्यवस्था (Pakistan Economic Crisis) डबघाईला आली आहे. परकीय चलनाचा घटता साठा आणि वाढत्या कर्जामुळे पाकिस्तानचीअर्थव्यवस्था उद्ध्वस्त होण्याच्या उंबरठ्यावर आहे. पाकिस्तानातील वाढत्या महागाईचा अंदाज यावरुन लावता येईल की, तिथे व्यावसायिक गॅस सिलिंडरची किंमत तब्बल (पाकिस्तान एलपीजी किंमत) 10,000 पाकिस्तानी रुपयांवर पोहोचली आहे. पाकिस्तान सरकारनेही देशातील परिस्थिती गंभीर असल्याचे मान्य केले आहे.
पाकिस्तानातून भारतात आयातविशेष म्हणजे, गेल्या अनेक दशकांपासून अनेक गोष्टी पाकिस्तानातून भारतात आयात केल्या जाता. यामध्ये ताजी फळे, सिमेंट आणि चामड्याच्या वस्तूंचा समावेश आहे. या वस्तूंची मागणीही भारतात जास्त प्रमाणात आहे. 2017 मध्ये, भारताने पाकिस्तानमधून $488.5 मिलियन किमतीच्या वस्तू आयात केल्या आहेत. यामध्ये ड्रायफ्रूट्स, टरबूज आदी फळांचा समावेश होता. पाकिस्तानच्या ताज्या फळांनाही मोठी बाजारपेठ आहे. रिपोर्टनुसार, 2017 मध्ये भारताने पाकिस्तानमधून $89.62 मिलियन (63 कोटी) किमतीची फळे आयात केली. पाकिस्तानातून येणारी फळे काश्मीरमार्गे राजधानी दिल्लीच्या बाजारपेठेत पोहोचतात.
सिमेंट आणि खडी मीठभारतात विकले जाणारे बिनानी सिमेंटचे उत्पादन पाकिस्तानात होते. पाकिस्तानातील मीठ, सल्फर, दगड आणि चुना भारतात मोठ्या प्रमाणात विकला जातो. उपवासासाठी वापरण्यात येणारे खडे मीठ पाकिस्तानातूनच येते. याशिवाय सौंदर्यप्रसाधनांमध्ये वापरली जाणारी मुलतानी मातीही पाकिस्तानातून येते. याशिवाय चष्म्यांमध्ये वापरले जाणारे ऑप्टिकल्सही पाकिस्तानातून मोठ्या प्रमाणात येतात. भारत आपल्या शेजारी देशाकडून काही वैद्यकीय उपकरणे देखील आयात करतो. भारत पाकिस्तानमधूनही मोठ्या प्रमाणात चामड्याच्या वस्तूंची आयात करतो.
कापूस आणि मेटल कंपाउंडपाकिस्तान भारताला मोठ्या प्रमाणात कापूस निर्यात करतो. भारत पाकिस्तानातून पोलाद आणि तांबेही मोठ्या प्रमाणात आयात करतो. पाकिस्तान भारताला नॉन ऑरगॅनिक रसायने, धातू संयुगे निर्यात करतो. साखरेपासून बनवलेले मिठाईचे पदार्थही पाकिस्तानातून येतात. लाहोर कुर्ते, पेशावरी चप्पल देखील भारतात खूप विकल्या जातात.
या गोष्टी पाकिस्तानातून भारतात येतात
- ड्रायफ्रूट्स, टरबूज आणि इतर फळे
- सिमेंट
- रॉक मीठ
- दगड
- चुना
- चष्मा ऑप्टिक्स
- कापूस
- स्टील
- सेंद्रिय रसायने आणि धातू संयुगे
- चामड्याच्या वस्तू
- पाकिस्तानवर चौफेर हल्ला
कर्जाच्या ओझ्याखाली दबलेल्या पाकिस्तानला चौफेर फटका बसला आहे. एकीकडे तो आर्थिक संकटाशी झुंजतोय आणि दुसरीकडे तो अंतर्गत कलहामुळे त्रस्त आहे. अशा परिस्थितीत कर्जातून बाहेर पडण्यासाठी पाकिस्तानने अमेरिकेतील वॉशिंग्टन येथील आपल्या दूतावासाची जुनी इमारत विकण्याचा निर्णय घेतला आहे. त्यासाठी मंजुरीही मिळाली आहे. पाकिस्तानचा हा दूतावास गेल्या 15 वर्षांपासून रिकामा आहे.