नवी दिल्ली - भारत आणि चीन सैनिकांमध्ये गलवान खोऱ्यात संघर्ष झाला. भारतीय सीमेवरील गलवान खोऱ्यात चिनी सैनिकांच्या हल्ल्यात भारताचे 20 जवान शहीद झाले. काही वृत्तसंस्था व वृत्तवाहिन्यांनी भारताने या कारवाईला जशास तसे उत्तर देत चीनचे 43 सैनिक मारल्याचा दावाही केला आहे. मात्र चीनने अद्याप मृतांचा आकडा जाहीर केलेला नाही. भारत आणि चीनदरम्यान असलेला तणाव वाढत आहे. तर दुसरीकडे देशभरात चीनी वस्तूंवर बहिष्कार घालण्याची मागणी जोर धरू लागली आहे. अनेकांनी तर आपल्या फोनमधून चीनी अ‍ॅप्स देखील हटवून याची सुरुवात केली आहे.
अनेक उद्योजकांनी देखील ई-कॉमर्स कंपन्यांनी चीनमध्ये तयार झालेल्या वस्तूंची विक्री करण्याची बंदी घालावी अशी मागणी केली आहे. भारतीयांनी जर ठरवलं तर चीनला 17 अब्ज डॉलरचा झटका बसू शकतो. चीनमधून भारतात होणाऱ्या एकूण आयातीमधील रिटेल ट्रेडर्स जवळपास 17 अब्ज डॉलर इतके आहे. यामध्ये खेळणी, घरातील वस्तू, मोबाईल, इलेक्ट्रिक सामान आणि कॉस्मॅटिक उत्पादनांचा समावेश आहे. चीनमधून येणाऱ्या या वस्तू बंद झाल्या तर संबंधित वस्तूंची भारतात निर्मिती करणाऱ्या कंपन्यांना फायदा होणार आहे.
फेडरेशन ऑफ ऑल इंडिया संघटनेचे महासचिव व्ही के बन्सल यांनी दिलेल्या माहितीनुसार, आम्ही आमच्या सदस्य असलेल्या व्यापाऱ्यांना त्यांच्याकडील चीनी वस्तूंचा स्टॉक संपवण्यास तसेच त्याच बरोबर यापुढे चीनी वस्तू मागवू नका असं सांगितलं आहे. आम्ही सरकारला देखील ई - कॉमर्स कंपन्यांना चीनी वस्तू विकण्यापासून रोखण्यात यावे ही विनंती केली आहे. कनफेडरेशन ऑफ वेस्ट बंगाल ट्रेडर्स असोसिएशनचे अध्यक्ष सुशील पोद्दार यांनी देखील संघटनेने चीनी वस्तूंचा व्यापार बंद करण्याचा सल्ला दिला आहे.
द कनफेडरेशन ऑफ ऑल इंडिया ट्रेडर्सने (CAIT) देखील असाच निर्णय घेतला आहे. 'भारतीय वस्तू-आमचा अभिमान' अशी एक मोहिम या संघटनेने सुरू केल्याचे त्यांनी सांगितले. यामध्ये चीनी सामानावर बहिष्कार टाकण्याचा निर्णय घेतला आहे. CAITने चीनी उत्पादनांची एक यादीच प्रसिद्ध केली आहे. यात जवळपास 3 हजार वस्तूंचा समावेश करण्यात आला आहे. याच बरोबर CAITने सेलिब्रिटींना पत्र लिहून चीनी वस्तूंच्या जाहिराती करणे बंद करावे अशी विनंती केली आहे. एका हिंदी वेबसाईटने याबाबतचे वृत्त दिले आहे.
महत्त्वाच्या बातम्या
CoronaVirus News : आशेचा किरण! कोरोनाच्या लढ्यात 'हे' औषध प्रभावी ठरणार; संक्रमण रोखण्यास मदत करणार
"सीमेवर लढणाऱ्या सैनिकांच्या हातात काठी देता, ती काय RSS ची शाखा आहे का?"
वरात, विधीसह रंगला विवाहसोहळा पण लग्नात नवरी ऐवजी होता पुतळा... एका लग्नाची गोष्ट
Flipkart Big Saving Days : खूशखबर! फ्लिपकार्टवर धमाकेदार सेल, स्मार्टफोन्सवर मिळणार बंपर सूट
खतरनाक! डोंगराच्या टोकावर उभं राहून त्याने मारली बॅक फ्लिप अन्...; Video जोरदार व्हायरल
"पंडित नेहरूंना दोष देणार्‍यांनी आत्मपरीक्षण केले तरी 20 जवानांचे बलिदान सार्थकी लागेल!"