सुधारित : उत्तर भारतात थंडीचा प्रकोप कायम, दाट धुक्याचे १२ बळी

जनजीवन विस्कळीत, अमृतसर ३.२ अंश सेल्सियस

ज�

��जीवन विस्कळीत, अमृतसर ३.२ अंश सेल्सियस
नवी दिल्ली : उत्तर भारतात थंडीचा प्रकोप कायम आहे. उत्तर प्रदेशमध्ये कडाक्याची थंडी आणि दाट धुक्यामुळे घडलेल्या रस्ता अपघातात सातजण मृत्युमुखी पडले. तर पंजाबात तिघांचा मृत्यू झाला. राज्यात गुरुवारी दाट धुक्यामुळे रेल्वे आणि सडक वाहतूक विस्कळीत झाली. उत्तर भारतात गुरुवारी कमी दृश्यतेमुळे जवळपास १०० रेल्वे गाड्या विलंबाने धावत असल्याचे रेल्वेच्या सूत्रांनी सांगितले. धुक्यामुळे विमान वाहतूकही प्रभावित झाली आहे.
उत्तर प्रदेशच्या शाहजहाँपूर येथे सर्वांत कमी २.५ अंश सेल्शियस तापमानाची नोंद करण्यात आली. मैनपुरी येथे दोन आणि बदायूँ व बाराबंकी येथे प्रत्येकी एक जण रस्ता अपघातात ठार झाला. धुक्यामुळे दृश्यता कमी असल्याने हे अपघात घडले. तर बाराबंकी येथे दोन जणांचा थंडीमुळे मृत्यू झाला.
पंजाबात तिघांचा मृत्यू
पंजाबात थंडीमुळे सामान्य जनजीवन विस्कळीत झाले आहे. राज्यात अनेक शहरांमध्ये थंडीची लाट कायम असून पारा घसरला आहे. अमृतसर येथे गुरुवारी ३.२ अंश सेल्शियस तापमानाची नोंद करण्यात आली. थंडी आणि धुक्यामुळे वाहतूकही ठप्प पडली आहे. गुरुदासपूर जिल्ह्यात गुरुवारी सकाळी दाट धुक्यामुळे जीप आणि ट्रक यांच्यात समोरासमोर टक्कर झाली. यात तीन जण ठार झाले.
काश्मिरात तापमान शून्याखाली
काश्मीर खोऱ्यातील तापमान शून्याखाली गेले आहे. राजधानी श्रीनगर येथे गुरुवारी तापमान उणे ३.९ अंश सेल्शियस होते. तर लडाख येथे सलग सातव्या दिवशी तापमान उणे १० अंश सेल्शियस नोंदविण्यात आले. तापमान शून्याखाली गेल्याने प्रसिद्ध डल सरोवर गोठण्याच्या स्थितीत असल्याचे वृत्त आहे. गुरुवारी कारगीलमध्ये उणे १२.६ अंश सेल्शियस तापमानाची नोंद करण्यात आली. (वृत्तसंस्था)