मानसिक आजारावर रामबाण ‘हिप्नॉटिझम’ स्मरणशक्ती, एकाग्रतेतही करता येते वाढ!

रवींद्र देशमुख-सोलापूर : हिप्नॉटिझम अर्थात संमोहनशास्त्र हे आता केवळ करमणुकीचे साधन राहिलेले नाही. विविध प्रकारच्या मानसिक आणि मनोशारीरिक आजारांवर विनाऔषध इलाज करण्याची ती एक रामबाण उपचार पद्धती म्हणून विकसित झालेली आहे. अर्थातच संमोहनतज्ज्ञांच्या मेहनतीचे हे फळ आहे. संमोहन उपचार केंद्राच्या माध्यमातून सोलापुरातही या आजारावर उपचार करण्यात येत आहेत.

र�

��ींद्र देशमुख-सोलापूर : हिप्नॉटिझम अर्थात संमोहनशास्त्र हे आता केवळ करमणुकीचे साधन राहिलेले नाही. विविध प्रकारच्या मानसिक आणि मनोशारीरिक आजारांवर विनाऔषध इलाज करण्याची ती एक रामबाण उपचार पद्धती म्हणून विकसित झालेली आहे. अर्थातच संमोहनतज्ज्ञांच्या मेहनतीचे हे फळ आहे. संमोहन उपचार केंद्राच्या माध्यमातून सोलापुरातही या आजारावर उपचार करण्यात येत आहेत.
डॉ. रवींद्र सोरटे आणि अलका सोरटे या दाम्पत्याने स्वत:ला संमोहनशास्त्राचा प्रसार आणि प्रचार करण्यासाठी वाहून घेतले आहे. गेल्या पंचवीस वर्षांपासून ते यासाठी संशोधन आणि अभ्यास करीत आहेत.
सध्याचं धकाधकीचं जीवन आणि भौतिक सुखांचा पाठलाग यामुळे बहुसंख्यांचं जीवन तणावपूर्ण झालेले आहे. या स्थितीमुळे लोक मानसिक आजाराचे शिकार होत आहेत, असे डॉ. सोरटे सांगत होते. मानसिक आजारावर उपचार करण्यासाठी अँलोपॅथी, आयुर्वेदामध्ये प्रभावी उपचार पद्धती आहेत; पण तत्पूर्वी संमोहनशास्त्राच्या उपचार पद्धतीचाही उपयोग करून घ्यायला हरकत नाही, असे ते म्हणाले.
इन्फो बॉक्सेस...
या आजारांवर नियंत्रण
अनेक आजारांचे मूळ हे ताणतणावात असते. रक्तदाब, हृदयरोग, दमा, मधुमेह, लैंगिक आजार हे आजार तणावपूर्ण जीवनशैलीमुळेच जडतात. हिप्नॉटिझमच्या माध्यमातून माणसावरील तणाव नक्कीच कमी करता येतो. एकदा का तणाव कमी झाला; तर आपोआपच वरील आजारावर नियंत्रण येते.
सेल्फ हिप्नॉटिझम..
माणसाच्या अंतर्मनाला जागृत करून त्याला सकारात्मक संदेश देण्याच्या प्रक्रियेला स्वसंमोहन किंवा सेल्फ हिप्नॉटिझम म्हणतात. यामुळे हस्तकंप, तोतरेपणा, भीती, भयगंड, न्यूनगंड, चिंता, नैराश्य आदींवर मात करता येते. शिवाय स्मरणशक्ती आणि एकाग्रतेमध्ये वाढ करता येते.
गैरसमज़़़
संमोहनशास्त्राबाबत बरेच गैरसमजही पसरविले जातात. हिप्नॉटिझममुळे कुणालाही फसविता येत नाही. शिवाय चोरी, खून, दरोडे अशी अनैतिक कृत्ये करता येत नाहीत. कारण संमोहन करून घेण्यासाठी समोरची व्यक्ती तयार असावी लागते आणि त्याने संमोहन तज्ज्ञाच्या सूचनांचे पालन करावे लागते. हिप्नॉटिझम कुणाच्याही मनाविरुद्ध करता येत नाही, असे डॉ. सोरटे यांनी स्पष्ट केले.
कोट.........
हिप्नॉटिझम उपचार पद्धतीला जागतिक आरोग्य संघटनेने (डब्ल्यू. एच. ओ.) शास्त्र म्हणून मान्यता दिली आहे. शिवाय एक उपचार पद्धती म्हणून भारत सरकारचीही मान्यता आहे. मुळातच संमोहनशास्त्र हे वैद्यकशास्त्राला मोलाची मदतच करते हेही सिद्ध झालेले आहे.
डॉ. रवींद्र सोरटे
संमोहनतज्ज्ञ, सोलापूर