हॉलीवूड स्टार सिल्वेस्टर स्टॅलनने हरीद्वारमध्ये घातले मुलाचे श्राद्ध

हॉलीवूडचा प्रसिद्ध अभिनेता सिल्वेस्टर स्टॅलन याने चार दिवसांपूर्वी आपल्या मुलाचे नातेवाईकांकडून हरिद्वारमध्ये श्राद्ध घातल्याचे वृत्त आहे.

ऑनलाइन लोकमत

हरीद्वार, दि. १४ - हॉलीवूडचा प्रसिद्ध अभिनेता सिल्वेस्टर स्टॅलनने चार दिवसांपूर्वी आपल्या मुलाचे हरीद्वारमध्ये श्राद्ध घातल्याचे वृत्त आहे. सिल्वेस्टर स्टॅलन याचा मुलगा सेग स्टॅलनचा २०१२मध्ये एका अपघातात दुर्दैवी मृत्यू झाला होता. 

सिल्वेस्टर स्टॅलनने आपला चुलत भाऊ मायकल आणि त्याची पत्नी यांना मुलाचे श्राद्ध घालण्यासाठी हरीद्वारला पाठविले होते. यावेळी त्यांनी हरिद्वारमधील सती घाटावर भारतीय परंपरेनुसार श्राद्ध, पिंडदान, कावघास अशा सर्व धार्मिक विधी पुरोहितांकडून गेल्या शनिवारी करवून घेतल्या.

सिल्वेस्टर स्टॅलनला मुलाचा अपघातात मृत्यू झाल्यानंतर श्राद्ध घालण्याचा सल्ला भारतीय ज्योतिष प्रतिक मिश्रापुरी यांनी २०१४ मध्ये  दिला होता. दरम्यान, यावळी मायकलने आपल्या टोनी अॅन या बहिणीचेही श्राद्ध घातले. तिचा मृत्यू हृदयविकाराच्या झटक्याने झाला होता.