होर्डिंग कंपनीचे संतापजनक कृत्य

अजनीतील डौलदार वृक्ष तोडले : नागरिकांमध्ये तीव्र रोष

अ�

��नीतील डौलदार वृक्ष तोडले : नागरिकांमध्ये तीव्र रोष
नागपूर : अजनीच्या राजीव गांधी चौकाची शान असलेले आणि अनेकांना छाया देणारे हिरवेगार वृक्ष एका ॲड एजन्सीने तोडल्यामुळे परिसरात तीव्र संतापाचे वातावरण निर्माण झाले आहे. बांधकाम कामगार कल्याण मंडळाचे अध्यक्ष मुन्ना यादव यांनी याप्रकरणी पोलीस तसेच संबंधित विभागाकडे तक्रार नोंदवली आहे.
अजनीचा रणगाडा चौक, राजीव गांधी पुतळ्याजवळ अशोका आणि हिरड्यांचे हे डौलदार वृक्ष होते. १२ महिने त्यांना या भागातील मंडळी पाणी देत असल्याने ते हिरवेकंच होते. पर्यावरणाचा समतोल साधण्यासोबतच ते वृक्ष सावली देत होते. याच ठिकाणी कार्टेल कंपनीने एक होर्डिंग लावले होते. उंच आणि डौलदार वृक्षामुळे हे होर्डिंग एका दिशेने दिसत नसल्यामुळे मंगळवारी सायंकाळी ॲड एजन्सीच्या कर्मचाऱ्यांनी या वृक्षांची कटाई केली. कर्मचाऱ्यांनी इलेक्ट्रीक मशीनने झटपट ही झाडे कापली अन् निघूनही गेले. दरम्यान, परिसरातील नागरिकांना हे माहीत झाल्याने तेथे मोठी गर्दी जमली. महापालिकेने झाडे कापली असावीत, असा समज झाल्यामुळे नागरिकांनी घोषणाबाजी सुरू केली. तणाव निर्माण झाल्याचे कळताच या भागाचे नगरसेवक मुन्ना यादव तेथे पोहचले. त्यांनी चौकशी केली असता हे काम ॲड एजन्सीच्या कर्मचाऱ्यांचे असल्याचे कळले. त्यामुळे यादव यांनी धंतोली पोलीस तसेच संबंधित विभागाच्या वरिष्ठांना तक्रारी करून संबंधित दोषींवर कारवाई करण्याची मागणी केली.
--
दोषींना सोडणार नाही
हे वृक्ष चौकाची शोभा होते. होर्डिंग दिसत नाही म्हणून संबंधित कंपनीच्या माणसांनी कुणाची परवानगी न घेता ते तोडले. हा प्रकार संतापजनक आणि निषेधार्ह आहे. नागरिकांमध्येही त्यामुळे रोष निर्माण झाला असून, दोषी कंपनीच्या संचालकांवर कडक कारवाई होईपर्यंत आपण हे प्रकरण रेटून धरणार असल्याची संतप्त प्रतिक्रिया मुन्ना यादव यांनी पत्रकारांशी बोलताना दिली.
---
फोटो- आहे