लग्नाचे भन्नाट व्हिडीओ हे सोशल मीडियावर नेहमीच व्हायरल होत असतात. काही व्हिडीओ हे गमतीशीर असतात तर काही विचार करायला भाग पाडतात. असाच एक व्हिडीओ सध्या सोशल मीडियावर जोरदार व्हायरल होत आहे, ज्याने सर्वांच लक्ष वेधून घेतलं. लग्नासाठी आलेले पाहुणे मंडळी चक्क चिप्स आणि स्नॅक्सवर तुटून पडल्याचं पाहायला मिळालं. यात नवरदेवही मागे राहिला नाही.
उत्तर प्रदेशातील हमीरपूर येथे ही धक्कादायक घटना घडली आहे, जिथे सामूहिक विवाह सोहळ्यासाठी आलेल्या पाहुण्यांनी अक्षरश: खूप गोंधळ घातला. चिप्सच्या पाकिटासाठी ते भिडले, एकमेकांच्या जीवावर उठले. याच दरम्यान हाणामारी देखील झाली. लोक चिप्सच्या बॉक्ससाठी, पाकिटासाठी एकमेकांना मारू लागले.
लग्न मंडपातच चेंगराचेंगरी झाली. लोक मिळेल ते चिप्सचं पाकिट घेऊन पळत होते. हा सामूहिक विवाह कार्यक्रम हमीरपूरच्या राठी शहरात आयोजित करण्यात आला होता. पाहुण्याच्या या कृतीने कार्यक्रमाची वाट लागली. चिप्स आणि स्नॅक्सवरून इतकी हाणामारी झाली की उकळता चहा एका मुलीच्या अंगावर सांडला.
सोशल मीडियावर हा व्हिडीओ सध्या तुफान व्हायरल होत आहे. यानंतर आयोजकांवर प्रश्न उपस्थित केले जात आहेत. लग्नातील पाहुण्यांसाठी अन्नपदार्थांची सोय करण्यात आल्याचं काही लोकांनी म्हटलं आहे. तर काहींनी नीट व्यवस्था नसल्याने गोंधळ उडाल्याचं सांगितलं. या लग्नसोहळ्याची सर्वत्रच जोरदार चर्चा रंगली आहे.
Web Summary : At a Uttar Pradesh wedding, guests fought over chips and snacks, leading to chaos. A child was scalded by hot tea in the ensuing scuffle, raising questions about event management.
Web Summary : उत्तर प्रदेश के एक विवाह में, मेहमानों ने चिप्स और स्नैक्स के लिए लड़ाई की, जिससे हंगामा हो गया। हाथापाई में एक बच्ची गर्म चाय से झुलस गई, जिससे कार्यक्रम प्रबंधन पर सवाल उठे।