Video : गॅस सिलिंडरचा भीषण स्फोट; १३ जण जखमी  

जखमींवर जयपूर रुग्णालयात उपचार सुरु आहेत.

ठळक मुद्दे सीकर येथील जिल्हा मुख्यालयाच्या शेखपुरा परिसरातील कुरेसिया क्वार्टर इमारतीत गॅस सिलिंडरचा स्फोट झाला. जखमींपैकी ९ जणांची प्रकृती चिंताजनक आहे.

राजस्थान - सीकर जिल्ह्यातील मोहल्ला शेखपुरा परिसरात आज गॅस सिलिंडरचा भीषण स्फोट झाला. या स्फोटात १३ जण जखमी झाले असून त्यापैकी ९ जण गंभीर जखमी झाले आहेत. जखमींवर जयपूर रुग्णालयात उपचार सुरु आहेत. स्फोट इतका भयानक होता की परिसरात खळबळ माजली आणि लोकांमध्ये घबराहट पसरली. 

सीकर येथील जिल्हा मुख्यालयाच्या शेखपुरा परिसरातील कुरेसिया क्वार्टर इमारतीत गॅस सिलिंडरचा स्फोट झाला. हा स्फोट इतका भयंकर होता की यात १३ जण जळून जखमी झाले तर त्यापैकी ९ जणांची प्रकृती गंभीर आहे. या स्फोटामुळे इमारतीतून आगीचे लोट बाहेर पडले आणि नागरिकांमध्ये भीतीचे वातावरण निर्माण झाले. जखमींना जयपूर रुग्णालयात दाखल करण्यात आले आहे. जखमींपैकी ९ जणांची प्रकृती चिंताजनक आहे. या घटनेनंतर पोलीस अधीक्षकांसह अन्य अग्निशमन दलाचे उच्च अधिकारी घटनास्थळी पोहोचले आहेत.