डीएलएफ एमेरिट्स ग्रुपचे चेअरमन के.पी. सिंह हे वयाच्या ९१ व्या वर्षी प्रेमात पडले आहेत. त्यांच्या नव्या लाईफ पार्टनरचं नाव शीना आहे. हल्लीच एका मुलाखतीमधून त्यांनी याबाबतची माहिती दिली आहे. त्यांनी सांगितले की, ६५ वर्षीय पत्नीच्या मृत्यूनंतर ते वयाच्या ९१ व्या वर्षी पुन्हा प्रेमात पडले आहेत. त्यांनी जीवनात एकाकी पडल्यानंतर झालेल्या वेदनाही व्यक्त केल्या आहेत.
त्यांनी सांगितले की, माझं वैवाहिक जीवन सुंदर होतं. माझी पत्नी केवळ माझी जीवनसाथी नाही तर माझी चांगली मैत्रिण बनली होती. आम्ही खूप प्रयत्न केले पण तिला वाचवू शकलो नाही. के.पी. सिंह म्हणाले की, माझ्या पत्नीने मृत्यूपूर्वी मी हार मानणार नाही, असं वचन माझ्याकडून घेतलं होतं. कारण माझ्याकडे पुढे जाण्यासाठी नवं आयुष्य होतं.
के.पी. सिंह यांनी सांगितले की, माझ्या पत्नीच्या निधनानंतर माझ्या जीवनात एक एकाकीपणा आला होता. कुणासोबत अनेक वर्षे राहिल्यानंतर जेव्हा तुम्ही त्याला गमावता, तेव्हा असे दु:ख शब्दांमध्ये मांडता येत नाही. तुमचं पूर्ण जीवन बदलून जातं.
के.पी. सिंह यांनी सांगितलं की, मला नवी जीवनसाधी मिळाली आहे, त्यमुळे मी स्वत:ला खूप भाग्यवान समजतो. तिचं नाव शीना आहे. ती माझ्या जीवनातील सर्वोत्तम लोकांपैकी एक आहे. ती प्रत्येक पावलावर मला साथ देते. ती मला नेहमी प्रेरित करते. आता ती माझ्या जीवनाचा प्रमुख भाग बनली आहे.
के.पी. सिंह यांनी २०१८ मध्ये त्यांची पत्नी इंदिरा सिंह यांना गमावले होते. त्यांचं कर्करोगामुळे निधन झालं होतं. त्यानंतर त्यांनी कंपनीच्या सक्रिय व्यवस्थापनातून स्वत:ला बाजूला करण्यास सुरुवात केली होती. ते जवळपास पाच दशकांपर्यंत कंपनीच्या व्यवस्थापन पदावर होते. २०२० मध्ये त्यांनी त्या पदाचा राजीनामा दिला.