नवी दिल्ली: संपूर्ण जगाला कोरोना व्हायरसने विळखा घातला आहे. भारतातही कोरोनाचा प्रादुर्भाव दिवसेंदिवस वाढत आहे. मात्र एकीकडे देश कोरोनासारख्या महामारीचा एकजूटीने सामना करत असताना एक धक्कादायक प्रकार समोर आला आहे.
दिल्लीतील राजौरी गार्डन परिसरात असलेल्या उद्यानात एका १२ वर्षाच्या मुलीवर जबरदस्ती लैंगिक अत्याचार केल्याची घटना समोर आली आहे. या प्रकरणी आरोपी नीरज कोल्ही याला पोलिसांनी अटक केली आहे. तसेच आरोपी ताग उत्पादनाच्या कारखान्याचा मालक आहे, असल्याची माहिती पोलिसांनी दिली.
अल्पवयीन पीडित मुलगी आणि तिचा ८ वर्षांचा भाऊ शनिवारी दुपारी राजौरी गार्डन येथील बसस्थानकावर डिलिव्हरी एजंटची वाट पहात होते. याचवेळी आरोपी नीरज कोल्ही उद्यानात अंमली पदार्थांचे सेवन करत होता. यावेळी आरोपी नीरज कोल्हीने मुलीला भावासोबत उद्यानच्या आतमध्ये यायला सांगितले. उद्यानात आली नाही तर तिच्या भावाचा लैंगिक छळ करेल अशी धमकी दिली. त्यामुळे पीडित मुलगी त्याच्याबरोबर उद्यानात गेली. यानंतर आरोपीने जबरदस्ती मुलीसोबत अश्लील चाळे सुरु केले. तसेच पीडित मुलीला विवस्त्र करुन तिचे फोटोही काढले.
'...तर मी स्वत: तुमच्या स्वागतासाठी उभा राहतो'; राजू पाटील यांचा उद्धव ठाकरेंना टोला
पोलिसांनी दिलेल्या माहितीनुसार, पीडित मुलगी आणि तिच्या भावाने त्यांच्यासोबत उद्यानात घडलेला प्रकार तात्काळ त्यांच्या आईला सांगितला. यानंतर कुटुंबीयांनी पोलिसांत तक्रार दाखल करण्याचा निर्णय घेतला. पोलिसांत तक्रार दाखल केल्यानंतर या प्रकरणी पोलिसांनी आरोपीविरोधात पोक्सो कायद्यांतर्गत गुन्हा दाखल करण्यात आला. तसेच अल्पवयीन पीडित मुलीला वैद्यकीय तपासणीसाठी नेण्यात आले. या घटनेनंतर पीडित मुलगी मानसिकरित्या अस्वस्थ असून तिचे समुपदेशन केले जात आहे.
अन्य महत्वाच्या बातम्या-
काँग्रेसला स्वतःला सावरणं गरजेचं, गांधी घराणं हेच त्यांचं आधार कार्ड- संजय राऊत
'...म्हणून लक्ष वळविण्यासाठी सचिन सावंत यांनी हा उद्योग केला असावा'; भाजपाचं काँग्रेसला प्रत्युत्तर
'शहरातील खड्ड्यांचा त्रास मलाही झाला'; उद्धव ठाकरेंनी व्यक्त केली उघड नाराजी