मुंबई- महामानव डॉ.बाबासाहेब आंबेडकर यांची आज 127 वी जयंती आहेत. डॉ.बाबासाहेब आंबेडकर यांना अभिवादन करण्यासाठी चैत्यभूमीवर रात्रीपासून भीमसैनिकांची गर्दी पाहायला मिळते आहे. तसंच पोलिसांचा कडेकोट बंदोबस्त ठेवण्यात आला आहे. बाबासाहेबांच्या जयंतीनिमित्ताने देशभरात विविध कार्यक्रमांचं आयोजन करण्यात आलं आहे.
LIVE:
जळगाव- जामनेर येथे डॉ.बाबासाहेब आंबेडकर जयंती उत्सव मिरवणुकीला उत्साहात सुरुवात. जलसंपदामंत्री गिरीष महाजन यांनी मिरवणुकीत लेझीम खेळून कार्यकर्त्यांचा उत्साह वाढविला.
नवी दिल्ली- पंतप्रधान नरेंद्र मोदी यांनी दिल्या आंबेडकर जयंतीच्या शुभेच्छा.
मुंबई- थोड्याच वेळात मुख्यमंत्री देवेंद्र फडणवीस व राज्यपाल सी. विद्यासागर राव चैत्यभूमीवर जाऊन बाबासाहेब आंबेडकरांना करणार अभिवादन.
औरंगाबाद- डॉ. बाबासाहेब आंबेडकर यांच्या जयंतीनिमित्त भडकल गेट येथे रात्री 12 वाजता आतिषबाजी करण्यात आली. यावेळी बाबासाहेबांना अभिवादन करण्यासाठी मोठ्याप्रमाणावर गर्दी जमली होती.