नवी दिल्ली - दिल्लीतील अशोक विहार परिसरात एक तीन मजली इमारत कोसळल्याची घटना घडली आहे. या दुर्घटनेत नऊ जण जखमी झाले असून दोन लहान मुलांचा मृत्यू झाला आहे. जखमींना उपचारासाठी जवळच्या रुग्णालयात दाखल करण्यात आले आहे. जखमींपैकी तीन जणांची प्रकृती अत्यंत गंभीर आहे. इमारतीच्या ढिगाऱ्याखाली अनेकजण अडकले असल्याची भीती व्यक्त केली जात आहे. तसेच घटनास्थळी अग्निशमन दल, पोलीस आणि एनडीआरएफचे पथक दाखल झाले असून बचाव कार्य सुरू आहे.
बुधवारी (26 सप्टेंबर) सकाळी दिल्लीच्या अशोक विहार परिसरातील सावन पार्कमधील तीन मजली इमारत कोसळली. इमारतीच्या ढिगाऱ्याखाली अडकलेल्या काही लोकांना बाहेर काढण्यात यश आले आहे. या दुर्घटनेत दोन लहान मुलांचा मृत्यू झाला आहे. इमारत अतिशय जूनी असल्याने कोसळल्याची शक्यता वर्तवण्यात येत आहे.