"माझा एन्काउंटर होऊ शकतो", आप खासदार संजय सिंह यांचा न्यायालयात दावा

न्यायालयाने संजय सिंह यांना त्यांचे कुटुंबीय आणि वकील यांना कोर्ट रूममध्ये 10 मिनिटे भेटण्याची परवानगी दिली.

नवी दिल्ली :  दिल्ली मद्य घोटाळा प्रकरणात अटक करण्यात आलेले आम आदमी पक्षाचे खासदार संजय सिंह यांनी न्यायालयात एन्काउंटर होण्याची भीती व्यक्त केली आहे. न्यायालयात सुरक्षेचा हवाला देत संजय सिंह यांनी सांगितले की, "रिमांड घेताना मला रात्री 10.30 वाजता बाहेर जायचे असल्याचे सांगितले. मला कुठे नेत आहे असे मी विचारले असता त्यांनी मला तुघलक रोड पोलीस ठाण्यात नेत असल्याचे सांगितले. यानंतर मी विचारले की न्यायाधीशांना सांगितले का? तर ते म्हणाले की वरून फोन आला आहे. मी नकार दिल्यावर ते लिखित स्वरूपात द्या, असे सांगितले."

जर 3 ऑक्टोबरलाच ईडी तयार होती, तर पेस्टिसाइड आधी का केले नाही? पहिल्या दिवशी रात्री 10:30 वाजता आणि दुसऱ्या दिवशी रात्री 9:30 वाजता काढण्यात येणार असल्याचे सांगितले. मला वर पाठवायची तयारी कोणाच्या सांगण्यावरून झाली? तुमच्या समोर सांगतिले जाते की, ईडीच्या कार्यालयात ठेवण्यास तयार आहे, मात्र तेथे गेल्यावर त्यांनी त्याला बाहेर पोलिस ठाण्यात नेण्याचे बोलले, असे संजय सिंह यांनी न्यायालयात सांगितले. 

याचबरोबर, जर त्यांनी मला बाहेर नेले आणि माझा एन्काउंटर केला तर कोणाला उत्तर देणार? असेही संजय सिंह म्हणाले. दरम्यान, संजय सिंह यांच्या ईडी कोठडीत 5 दिवसांची वाढ करण्याच्या मागणीवर न्यायालयाने आपला निर्णय राखून ठेवला आहे. तसेच, न्यायालयाने संजय सिंह यांना त्यांचे कुटुंबीय आणि वकील यांना कोर्ट रूममध्ये 10 मिनिटे भेटण्याची परवानगी दिली.

दुसरीकडे, ईडीतर्फे हजर झालेल्या वकिलांनी सांगितले की, संजय सिंह कोठडीतील प्रश्नांची योग्य उत्तरे देत नाहीत. ते तपासात सहकार्य करत नाही. त्यांना फोनच्या डेटाबाबत विचारले असता, त्यांनी त्यावरही समाधानकारक उत्तर दिले नाही. तसेच, नुकताच चंदीगडमध्ये छापा टाकण्यात आला आहे, ज्या व्यावसायिकाच्या वतीने छापा टाकण्यात आला होता, त्यांचे जबाब नोंदवण्यात आले असून त्यांनी काही महत्त्वाची माहिती दिली आहे. त्यासंबंधीचा खुलासा सध्या केला जाऊ शकत नाही. 

या प्रकरणात लाच मागितल्याचे पुरावे असल्याची माहिती ईडीने न्यायालयात दिली. ईडी या आरोपांची चौकशी करत आहे. ईडीने एका व्यावसायिकाचे जबाब नोंदवले. त्याचा खुलासा सध्या न्यायालयात करता येणार नाही. तसेच, दारू व्यापाऱ्यांचे परवाने काढण्यासाठी लाच मागितली जात होती, असे ई़डीने म्हटले आहे. याशिवाय, संजय सिंह यांचा जवळचा सहकारी सर्वेश मिश्राही तपासात सहकार्य करत नसल्याचे ईडीने म्हटले आहे. ईडीने सांगितले की, सर्वेश मिश्रा यांना उद्या नवीन समन्स बजावण्यात आले आहे.