गुन्हे वार्ता
By Admin | Updated: December 25, 2014 22:41 IST2014-12-25T22:41:01+5:302014-12-25T22:41:01+5:30
गुन्हे वार्ता
> घरफोडी करणारे अट्टल गुन्हेगार अटकेतनागपूर : एका गुन्ह्याच्या तपासादरम्यान मिळालेल्या गुप्त माहितीच्या आधारावर सोनेगाव पोलिसांनी घरफोडी करणाऱ्या अट्टल गुन्हेगारांना अटक केली. अतुल अशोक नंदरधने (२५) रा. मनीषनगर, राहुल गुलाबराव रामटेके (२२) रा. न्यू वैशालीनगर, पवन दिलीप कांबळे (१९) रा. रामबाग, असे अटक करण्यात आलेल्या आरोपीची नावे आहेत. पोलिसांनी त्यांच्या जवळून गुन्ह्यात वापरलेल्या दोन मोटार सायकल व सोन्याचे दागिने असा एकूण १ लाख १३ हजाराचा माल जप्त केला. ही कामगिरी पोलीस निरीक्षक प्रकाश शहा यांच्या मार्गदर्शनाखाली तपास प्रमुख सरदार नाळे, पोलीस शिपाई ललित तितरमारे, ज्ञानेश्वर बांते व शैलेंद्र यांनी बजावली. ------------------------------------महिलेने गळफास घेतला नागपूर : नवीन बाभुळखेडा मैत्री बौद्ध विहारजवळ राहणाऱ्या एका ३८ वर्षीय महिलेने गुरुवारी सायंकाळी आपल्या राहत्या घरी गळफास घेतला. दर्शना शैलेंद्र वासनिक असे मृत महिलेचे नाव आहे. याप्रकरणी अजनी पोलिसांनी आकस्मिक मृत्यूची नोंद केली आहे. अपघातातील जखमीचा मृत्यू नागपूर : अपघातात जखमी होऊ बेशुद्धावस्थेत सापडलेल्या एका ४५ वर्षीय व्यक्तीचा मेयो रुग्णालयात उपचारादरम्यान मृत्यू झाला. राजू रामराजे रा. पिवळी नदी असे मृताचे नाव आहे. ९ डिसेंबर रोजी रात्री ८ वाजताच्या सुमारास राजू यशोधरानगर येथील मलानी कंपनीच्या कम्पाऊंडजवळ बेशुद्धावस्थेत आढळून आले. त्यांना मेयो रुग्णालयात दाखल करण्यात आले होते. उपचारादरम्यान त्यांचा मृत्यू झाला. तेव्हा पोलिसांनी आकस्मिक मृत्यूची नोंद केली होती. परंतु या प्रकरणाची चौकशी करताना राजू यांना अपघात झाल्याचे निष्पन्न झाले. एका वाहन चालकाने त्यांना धडक दिली आणि तो पळून गेला होता. त्यानुसार पोलिसांनी आरोपी वाहन चालकाविरुद्ध गुन्हा दाखल केला आहे. वयोवृद्धाची आत्महत्या नागपूर : मनीषनगर येथील एका ६५ वर्षीय वृद्ध व्यक्तीने गुरुवारी सकाळी १० वाजताच्या सुमारास रेल्वेखाली येऊन आत्महत्या केली. कृष्णराव चौधरी असे मृताचे नाव आहे. सोनेगाव पोलिसांनी आकस्मिक मृत्यूची नोंद केली आहे.
