गोरखपुर : संपत्तीची लालसा माणसाला काय करायला लावेल याचा नेम नाही. उत्तरप्रदेशमध्ये तर माणुसकीला काळीमा फासणारी घटना घडली आहे. मोठ्या भावाच्या अंत्यसंस्काराची तयारी होत असताना त्याच्या छोटा भाऊ कोऱ्या कागदावर अंगठ्याचे ठसे घेत असतानाचा व्हिडीओ व्हायरल झाला आहे.
मझवन गावातील रहिवासी विशम्भर उर्फ कल्लू (70) यांचे निधन झाले. त्यांचा मृतदेह अंत्यसंस्कारासाठी गावातील बाजुला असलेल्या नदीकिनारी नेण्यात आले. तेथे त्यांचा छोटा भाऊ आण अन्य काही जणांनी कल्लू यांच्या डाव्या अंगठ्याचे ठसे घेण्यात सुरुवात केली. हे ठसे कोऱ्या स्टँपपेपरवर घेण्यात आले. या घटनेचा व्हिडीओ एका तरुणाने काढून व्हायरल केला.
नात्यांना काळीमा फासणाऱ्या या घटनेमुळे छोटा भाऊ राम पदारथ याच्यावर नागरिकांनी टीका केली. या कृत्याची माहिती मिळताच कल्लू यांच्या पत्नीने पोलीस ठाण्यात जात तक्रार दाखल केली आहे.
यावर पोलिसांनी तपास सुरु केल्याचे सांगितले आहे. तसेच दोषींवर कारवाई करणार असल्याचेही सांगितले आहे.