प्रामाणिकपणे काम करणा-या सामाजिक संस्थांवर महापालिकेचा अन्याय
By Admin | Updated: May 25, 2015 02:09 IST2015-05-25T02:09:53+5:302015-05-25T02:09:53+5:30
प्रामाणिकपणे काम करणा-या सामाजिक संस्थांवर महापालिकेचा अन्याय
> परिवर्तन संस्थेतर्फे निषेध पुणे : महापालिकेतर्फे सामाजिक संस्थांना दिली जाणारी देणगी स्थानिक नगरसेवक संस्थांच्या कायर्कारिणीवर असेल तरच देण्याविषयी महापालिकेच्या सवर्साधारण सभेने केलेल्या ठरावाचा निषेध परिवर्तन संस्थेचे सचिव तन्मय कानिटकर यांनी केला आहे. नगरसेवक पदाधिकारी नसणा-या पण प्रामाणिकपणे काम करणा-या सामाजिक संस्थांवर हा अन्याय आहे. आणि म्हणूनच या प्रस्तावाचा परिवर्तन संस्थेतर्फे आम्ही कडक शब्दात निषेध करतो, असे त्यांनी नमूद केले. कानिटकर यांनी म्हटले आहे की दरवर्षी महापालिका काही सामाजिक संस्थांना देणगी देते. त्यासाठी महापालिकेच्या आर्थिक अंदाजपत्रकात तरतूदही केली जाते. सवर्साधारण सभेत पारित झालेल्या प्रस्तावानुसार आता ही देणगी केवळ त्याच संस्थाना देण्यात येणार आहे ज्या संस्थांच्या कायर्कारिणीवर स्थानिक नगरसेवक असतील.महापालिकेचा पैसा म्हणजेच पुणेकरांचा पैसा असून हा देणगीरूपाने पुणेकरांसाठी काम करणा-या प्रामाणिक सामाजिक संस्थांना देण्यात यावा की नाही याविषयी स्वतंत्र चर्चा करता येईल. मात्र या देणग्या दिल्या जात असताना त्या नगरसेवक पदाधिकारी असणा-या संस्थांनाच देण्याचा हा प्रस्ताव म्हणजे पुणेकरांच्या पैशाने सामाजिक कामाचा आव आणून स्थानिक नगरसेवकांनी राजकीय लाभ मिळवण्याचा प्रकार आहे, असे कानिटकर यांनी म्हटले आहे.ते म्हणतात, नगरसेवक पदाधिकारी नसणा-या पण प्रामाणिकपणे काम करणा-या सामाजिक संस्थांवर हा अन्याय आहे. आणि म्हणूनच या प्रस्तावाचा परिवर्तन संस्थेतर्फे आम्ही कडक शब्दात निषेध करतो. सामाजिक संस्थांचे प्रतिनिधी प्रभाग समितीवर नेमण्याच्या ऐवजी आपल्याच पक्षाच्या कार्यकर्त्यांची वर्णी लावण्याचा प्रकार नुकताच पुणेकरांनी बघितलेला असताना, आता तर राजरोसपणे सामाजिक संस्थेच्या नावाखाली स्वत:चे महत्व वाढवण्याचा उद्योग पुणे महापालिकेतल्या सर्वपक्षीय नगरसेवकांनी एकमताने सुरु केला आहे, असे म्हणावे लागते आहे.आजची बिघडलेली राजकीय संस्कृती या प्रस्तावामुळे अधिकच बिघडत जाणार असे आमचे स्पष्ट मत आहे. याविषयी परिवर्तनतर्फे महापौरांना प्रथम नागरिक या नात्याने पत्रही लिहिण्यात आले असून सवर्साधारण सभेला हा प्रस्ताव मागे घेण्याची विनंती करण्याविषयी सुचवले आहे,असे कानिटकर यांनी नमूद केले.
