नवी दिल्ली: गेल्या २४ तासांत देशात १८,८३३ नव्या कोरोनाबाधितांची नोंद झाली आहे. तर २७८ जणांचा मृत्यू झाला आहे. आतापर्यंत देशभरात २,४६,६८७ जणांवर सध्या उपचार सुरु आहेत. महत्त्वाची बाब म्हणजे, २०३ दिवसांतील सर्वात कमी रुग्णसंख्या आहे.
आरोग्य मंत्रालयाच्या वतीनं जारी करण्यात आलेल्या आकडेवारीनुसार, देशात मंगळवारी ४ हजार ७७० रुग्ण कोरोनामुक्त झाले आहेत. त्यानंतर सक्रिय रुग्णांच्या संख्येत घट होऊन २ लाख ४६ हजार ६८७ वर पोहोचली आहे. आकडेवारीनुसार, देशात आतापर्यंत कोरोनाच्या तीन कोटी ३८ लाख ७१ हजार ८८१ रुग्णांची नोंद करण्यात आली आहे. ज्यामध्ये आतापर्यंत कोरोनामुळे चार लाख ४९ हजार ५३८ रुग्णांचा मृत्यू झाला आहे. देशात आतापर्यंत ३ कोटी ३१ लाख ७५ हजार ६६५ रुग्ण कोरोनामुक्त झाले आहेत.