एसएमटीला 40 किमीला परवानगी देऊ मुख्यमंत्री सकारात्मक: प्रणिती शिंदे यांचा तारांकित प्रश्न

स�

��लापूर :
महानगरपालिकेची परिवहन सेवा (एसएमटी) तोट्यात असल्याने धार्मिक पर्यटनासाठी शहर हद्दीबाहेर 40 किमी व्यवसायाला परवाना देण्यासाठी सकारात्मक विचार करू, असे आश्वासन मुख्यमंत्री देवेंद्र फडणवीस यांनी दिले आहे.
आमदार प्रणिती शिंदे यांनी एसएमटीच्या स्थितीबाबत विधानसभेत तारांकित प्रश्न उपस्थित करून शासनाचे लक्ष वेधले होते. एसएमटीची आर्थिक स्थिती नाजूक आहे. तोट्यात चाललेले खाते सुधारण्यासाठी अनेक प्रयोग करण्यात येत आहे. केंद्र शासनाच्या योजनेतून एसएमटीला 200 नवीन बसचा ताफा मिळाला आहे. शहरी बससेवा वगळता शेजारील ग्रामीण भागात सेवा देण्याचा प्रस्ताव आहे. पण याला र्मयादा येत आहेत. एसएमटीला शहराबाहेर 20 किलोमीटरपर्यंत व्यवसायाला परवानगी देण्यात आली आहे. पण सोलापूरचा विस्तार वाढला आहे. शहराभोवती तुळजापूर, अक्कलकोट, पंढरपूर ही धार्मिक पर्यटनाची ठिकाणे आहेत. यासाठी शासनाने 40 किमीला परवानगी दिल्यास एसएमटीला चांगले दिवस येतील, असे आ. शिंदे यांनी शासनाचे लक्ष वेधले होते.
आ. शिंदे यांच्या तारांकित प्रश्नाला मुख्यमंत्री देवेंद्र फडणवीस यांनी लेखी उत्तरात 40 किमीच्या मागणीबाबत सकारात्मक विचार करू, असे आश्वासन दिले आहे. एसएमटीला ही परवानगी मिळाल्यास जवळच्या तीर्थक्षेत्रापर्यंत बससेवा सुरू होण्याचा मार्ग सुकर होणार आहे. सध्या हा प्रस्ताव राज्याच्या गृहखात्याकडे गेला आहे. गृहखात्याच्या अहवालानंतर पुढील आदेश होणार असल्याचे सांगण्यात आले.