नवी दिल्ली : सरन्यायाधीश शरद बोबडे यांचा कार्यकाळ लवकरच संपणार असून, त्यांच्या जागी कोण नवे सरन्यायाधीश असतील, याची चर्चा गेल्या काही दिवसांपासून सुरू होती. मात्र, न्या. शरद बोबडे यांनी एका नावाची शिफारस करून या चर्चांना पूर्णविराम दिला आहे. बोबडे यांनी न्या. एन. व्ही. रमण यांच्या नावाची शिफारस केंद्र सरकारला केली आहे. (cji sharad bobde recommends justice nv ramana as supreme court chief justice to center government)
सरन्यायाधीश शरद बोबडे यांचा कार्यकाल पुढील महिन्यात म्हणजेच २३ एप्रिल रोजी संपुष्टात येत आहे. या पार्श्वभूमीवर केंद्र सरकारने नवीन सरन्यायाधीश निवडीची प्रक्रिया सुरू केली होती. काही दिवसांपूर्वीच सरन्यायाधीश पदासाठी नवीन नाव सूचवण्याची सूचना केंद्र सरकारने केली होती. केंद्रीय कायदा मंत्री रवि शंकर प्रसाद यांनी सरन्यायाधीश बोबडे यांना यासंदर्भात पत्र पाठवले होते.
रमण यांच्या नावाची केंद्राला शिफारस
न्या. शरद बोबडे यांच्यानंतर एन.व्ही. रमण हे सर्वाधिक ज्येष्ठ न्यायमूर्ती आहेत. त्यामुळे सरन्यायाधीश बोबडे यांनी उत्तराधिकारी म्हणून रमण यांच्या नावाची केंद्राकडे शिफारस केली आहे. सर्वोच्च न्यायालयाच्या सरन्यायाधीशपदी सर्वांत जास्त अनुभव असलेल्या न्यायमूर्तींची नियुक्ती केली जाते.
कोण आहेत एन. व्ही. रमण
रमण यांचा जन्म आंध्र प्रदेशातील पोन्नावरम गावातील एका शेतकरी कुटुंबात झाला. ते ६४ वर्षांचे आहेत. १० फेब्रुवारी १९८३ पासून आपल्याला वकिलीला सुरुवात केली. न्यायमूर्ती रमण यांनी यांचं बी.एस्सी, बी.एल. शिक्षण झालेलं असून, संविधान आणि फौजदारी आणि आंतरराज्य नदी कायद्यांमध्ये त्यांनी स्पेशलायझेशन केलेले आहे.
परमबीर सिंग यांच्या याचिकेवर आज सुप्रीम कोर्टात होणार सुनावणी
दरम्यान, १८ नोव्हेंबर २०१९ ला सरन्यायाधीशपदाची सूत्रे हाती घेतली होती. ते भारताचे ४७ वे सरन्यायाधीश ठरले होते. न्या. बी. पी. गजेंद्रगडकर व न्या. यशवंत चंद्रचूड यांच्यानंतर न्यायसंस्थेतील या सर्वोच्च पदाचा मान महाराष्ट्राला तिसऱ्यांदा मिळाला होता.