मुख्यमंत्री आजपासून जपान दौर्‍यावर

म�

��ख्यमंत्री आजपासून जपान दौर्‍यावर
मुंबई - भारतरत्न डॉ. बाबासाहेब आंबेडकर यांच्या कोयासान विद्यापीठातील पुर्णाकृती पुतळ्याचे अनावरण तसेच इतर विविध औद्योगिक- आर्थिक विषयक कार्यक्र मांना उपस्थित राहण्यासाठी मुख्यमंत्री देवेंद्र फडणवीस यांच्या नेतृत्वाखालील शिष्टमंडळ उद्या (दि.८) जपानच्या दौर्‍यावर रवाना होत आहे.
या शिष्टमंडळात उद्योगमंत्री सुभाष देसाई, राजशिष्टाचार विभागाचे अतिरिक्त मुख्य सचिव सुमित मलिक, मुख्यमंत्र्यांचे प्रधान सचिव प्रवीणसिंह परदेशी, पर्यटन विभागाच्या सचिव वल्सा नायर सिंह, एमआयडीसीचे मुख्य कार्यकारी अधिकारी भूषण गगराणी यांचा समावेश आहे.
कोयासान विद्यापीठातील कार्यक्र मासाठी खासदार रामदास आठवले, खासदार अमर साबळे, माजी मंत्री सुलेखा कुंभारे उपस्थित राहतील. टोकियो येथे होणार्‍या पायाभूत सुविधांबाबतच्या बैठकींसाठी सार्वजनिक बांधकाम विभागाचे अतिरिक्त मुख्य सचिव आनंद कुलकर्णी आणि एमएमआरडीएचे आयुक्त युपीएस मदान उपस्थित राहणार आहेत.
कोयासान विद्यापीठ आणि डॉ. बाबासाहेब आंबेडकर मराठवाडा विद्यापीठादरम्यान सामंजस्य करार होणार आहे. तसेच मुंबई ट्रान्सहार्बर लिंक (एमटीएचएल) आणि मेट्रो प्रकल्पांसाठी जपानच्या व्यापार आणि आर्थिक व्यवहारविषयक विभागाशी राज्य शासनाचा करार होणे अपेक्षित आहे. जपानचे पंतप्रधान शिंझो बे यांच्याशीही ते चर्चा करतील.
(विशेष प्रतिनिधी)