काँग्रेसचे सरचिटणीस आणि राहुल गांधी यांचे निकटवर्तीय असलेले ज्येष्ठ नेते के.सी. वेणुगोपाल यांनी केरळचे मुख्यमंत्री पिनराई विजयन यांच्यावर गंभीर आरोप केला आहे. पिनराई विजय हे केंद्र सरकारचे सिक्रेट एजंट आहेत, असा आरोप वेणुगोपाल यांनी केला आहे. केरळ सरकारमधील राज्यमंत्री व्ही. शिवनकुट्टी यांनी अलप्पुझा येथील खासदार असलेल्या वेणुगोपाल यांचा उल्लेख काँग्रेसला नष्ट करण्यासाठी भाजपाने पेरलेला सिक्रेट एजंट असा केला होता. त्यानंतर केरळमधील सत्ताधारी असलेल्या माकपावर पलटवार करताना वेणुगोपाल यांनी ही टीका केली आहे.
प्रसारमाध्यमांशी बोलताना के.सी. वेणुगोपाल म्हणाले की, पिनराई विजयन हे केरळमधील केंद्र सरकारचे सिक्रेट एजंट आहेत. तसेच राज्यातील प्रत्येकाला ही गोष्ट माहिती आहे. केरळमधील विद्यमान सरकार मागच्या काही वर्षांपासून पंतप्रधान नरेंद्र मोदी यांचे विचार लागू करण्यासाठी मेहनत घेत आहे. पीएम श्री योजना आणि केंद्र सरकारने आणलेल्या नव्या श्रम संहितेवेळी आपण हे पाहिले आहे. केंद्र सरकारने श्रम संहिता लागू करण्यापूर्वी येथील सरकारने या संदर्भातील मसुदा नियम तयार केले होते, असा आरोपही वेणुगोपाल यांनी केला.
के.सी. वेणुगोपाल पुढे म्हणाले की, कम्युनिष्ट पक्ष हा मजुरांचा पक्ष असल्याचा दावा करतो. मग भाकपाचे राज्य सचिव बिनॉय विश्वम नवा श्रम कायदा आणि मसुदा नियमांच्या मुद्द्यावर गप्प का आहे? त्यांना मजुरांची चिंता नाही आहे का? असा सवालही त्यांनी उपस्थित केला.
Web Summary : Congress leader K.C. Venugopal accuses Kerala CM Pinarayi Vijayan of being a secret agent for the central government, implementing Modi's policies. Venugopal questions the CPI's silence on labor laws, highlighting concerns about worker welfare and accusing Vijayan's government of prioritizing central directives.
Web Summary : कांग्रेस नेता के.सी. वेणुगोपाल ने केरल के मुख्यमंत्री पिनराई विजयन पर केंद्र सरकार का गुप्त एजेंट होने का आरोप लगाया, जो मोदी की नीतियों को लागू कर रहे हैं। वेणुगोपाल ने श्रम कानूनों पर सीपीआई की चुप्पी पर सवाल उठाया, श्रमिक कल्याण के बारे में चिंता व्यक्त की और विजयन सरकार पर केंद्रीय निर्देशों को प्राथमिकता देने का आरोप लगाया।