छत्तीसगड - दंतेवाड्यातील बचेली पोलीस स्टेशनच्या हद्दीत आयईडी स्फोट झाल्याची माहिती मिळत आहे. नक्षलवाद्यांनी भूसुरुंगस्फोटाद्वारे सीआयएसएफच्या बसला उडवलं. यामध्ये एक जवान शहीद झाला आहे. तसेच अन्य तीन स्थानिक नागरिकांचा मृत्यू झाला आहे. जखमींना उपचारासाठी रुग्णालयात दाखल करण्यात आले आहे.
दंतेवाड्यात नक्षलवाद्यांनी याआधीही हल्ला केला होता. 30 ऑक्टोबर रोजी सुरक्षा दलांवर केलेल्या हल्ल्यात केंद्रीय राखीव पोलीस दलाचे (सीआरपीएफ) दोन जवान शहीद झाले होते. तर दूरदर्शनच्या एका कॅमेरामनचाही मृत्यू झाला होता. या चकमकीत दोन नक्षलवाद्यांचाही खात्मा करण्यात आला होता.