उत्तर प्रदेशच्या मुझफ्फरनगरमधील एका महाविद्यालयात अश्लील शब्दांचे प्रदर्शन करणाऱ्या एका तरुणाला पोलिसांनी अटक केली. हा तरुण हातात आक्षेपार्ह मजकूर लिहिलेले फलक घेऊन श्री राम कॉलेजच्या विद्यार्थ्यांमध्ये फिरत होता. मुलींच्या घोळक्यासमोरही तो निर्लज्जपणे तसाच वावरत होता. फलकावरील मजकूर केवळ वर्णद्वेषी वर्तनाचा इशारा देत नव्हता तर अप्रत्यक्षपणे देहविक्री करणाऱ्या रशियन मुलींबाबत सूचित करणारा होता.
पोस्टरवर ‘मुझफ्फरनगरमध्ये रशियन मुलगी कुठे मिळेल?’ असे लिहिले होते. त्याचा व्हिडीओ व्हायरल झाल्यानंतर ट्विटरवर अनेकांनी स्थानिक पोलिसांकडे तरुणावर कडक कारवाई करण्याची मागणी केली. त्यानंतर पोलिसांनी सार्वजनिक ठिकाणी असभ्य आणि अश्लील भाषा वापरल्याप्रकरणी गुन्हा दाखल करून त्याला अटक केली. रिल व्हिडीओ बनविण्यासाठी त्याने हा प्रकार केल्याची शक्यता आहे. ट्विटरवरही पोलिसांनी याबाबत माहिती दिली.