त्रिपुरा - त्रिपुरा जिल्ह्यातील बारामुरा परिसरात सोमवारी रात्री एक भीषण अपघात झाला. या अपघातात 29 जवान जखमी झाले असून दोन जवान गंभीर जखमी झाले आहेत. जखमींना उपचारासाठी जवळच्या रुग्णालयात दाखल करण्यात आले आहे. इलेक्शन ड्यूटीसाठी छत्तीसगडला जात असताना जवानांच्या बसला हा अपघात झाला. या दुर्घटनेत बसमधील सर्व जवान जखमी झाले आहेत.
त्रिपुरा स्टेट रायफल्सच्या आठव्या बटालियनचे जवळपास 29 जवान आगरतळा येथून छत्तीसगडला इलेक्शन ड्यूटीसाठी जात असताना ही दुर्घटना घडली. गंभीर जखमी असलेल्या दोन जवानांना उपचारासाठी कोलकाताला पाठवण्यात आले आहे.