अमृतसर - पंजाबमधील अमृतसर (Amritsar) येथून एक धक्कादायक घटना समोर आली आहे. येथे एका बीएसएफच्या (BSF) जवानाने कॅम्पमध्ये आपल्या सहकारी जवानांवर अंदाधुंद गोळीबार (Firing) केला. या घटनेत 5 जवानांचा मृत्यू झाला. तर 1 जवान जखमी झाला आहे. या घटनेत फायरिंग करणाऱ्या जवानाचाही मृत्यू झाला आहे.
गोळीबारात 6 जवानांना लागली गोळी -अमृतसर येथील खासा बीएसएफ कॅम्पमध्ये (BSF Camp)बीएसएफच्या जवानाने अंदाधुंद गोळीबार केला. यानंतर गोळी लागल्याने जखमी झालेल्या जवानांना गुरू नानक देव रुग्णालयात उपचारासाठी दाखल करण्यात आले आहे. या घटनेत 6 जवानांना गोळी लागली होती.
बीएसएफच्या जवानाने का केली फायरिंग? -खरे तर, बीएसएफच्या या जवानावे फायरिंग का केली? यासंदर्भात अद्याप कसलीही माहिती मिळू शकलेली नाही. प्रकरणाची चौकशी केली जात आहे. ही घटना भारत-पाकिस्तान आंतरराष्ट्रीय सीमेजवळ अटारी-वाघा बॉर्डर क्रॉसिंगपासून सुमारे 20 किलोमीटर अंतरावर असलेल्या खासा भागातील बीएसएफ कॅम्पच्या कॅफेटेरियामध्ये घडली.
कोर्ट ऑफ इंक्वायरीचा आदेश -या घटनेनंतर, बीएसएफकडून एक प्रेस रिलीजदेखील जारी करण्यात आली आहे. यात, घटनेच्या चौकशीसाठी कोर्ट ऑफ इंक्वायरीचा आदेशही देण्यात आल्याचे सांगण्यात आले आहे.