जरीपटक्यात धाडसी घरफोडी

त�

��न लाखांची रोकड, दागिने लंपास
नागपूर : खसाळा, जरीपटका येथील आम्रपाली कॉम्प्लेक्समध्ये राहाणारे मोहम्मद आसिम गुलाम रसूल अंसारी (वय ४५) यांच्याकडे धाडसी घरफोडी झाली. चोरट्यांनी येथून तीन लाखांची रोकड आणि सोन्याचे दागिने लंपास केले.
गुरुवारी दुपारी ४ वाजता आसिम आणि त्यांचा परिवार मोमिनपुऱ्यात एका कार्यक्रमाला गेले होते. रात्री ९.३० वाजता परत आले तेव्हा त्यांना दाराचे कुलूप तुटून दिसले. चोरट्यांनी त्यांच्या घरात अक्षरश: धुडगूस घातला. शयनकक्षातील कपाटात असलेली तीन लाखांची रोकड आणि सोन्याचांदीचे दागिने चोरून नेले. आसिम यांच्या तक्रारीवरून जरीपटका पोलिसांनी घरफोडीचा गुन्हा दाखल केला. चोरट्यांचा शोध घेतला जात आहे.
---