भाजप कार्यकर्त्याने आधी दिल्लीत नंतर बिहारमध्ये मतदान केले; राहुल गांधींनंतर आप नेत्याने आरोप केला

सौरभ भारद्वाज यांनी एका व्हिडिओमध्ये याबाबत मोठा दावा केला. भाजपचा एक कार्यकर्ता ५ फेब्रुवारी २०२५ रोजी दिल्ली विधानसभा निवडणुकीत आधी मतदान करतो. त्यानंतर, आज, ६ नोव्हेंबर २०२५ रोजी, तो बिहार विधानसभा निवडणुकीत मतदान करतो, असा दावा त्यांनी केला.

काँग्रेस नेते राहुल गांधी यांनी हरयाणा निवडणुकीत मतचोरीचा झाल्याचा आरोप काल केला. या आरोपानंतर देशभरात मोठा गोंधळ उडाला. दरम्यान, आता आम आदमी पक्षाच्या नेत्याने आणखी एक मोठा आरोप केला.  'एका भाजप कार्यकर्त्याने दोन राज्यांमध्ये मतदान केले, असा आरोप आप नेते सौरभ भारद्वाज यांनी केला. या भाजप कार्यकर्त्याने दिल्ली विधानसभा निवडणुकीव्यतिरिक्त बिहारमधील सिवानमध्येही मतदान केले. यावेळी त्यांनी फोटो शेअर करुन पुरावे दिले.

मोठी बातमी! पार्थ पवार जमीन व्यवहार प्रकरणी तहसीलदार सूर्यकांत येवले निलंबित

सौरभ भारद्वाज यांनी एक व्हिडीओ शेअर केला. मतदान चोरीचे पुरावे तुमच्यासमोर आहेत, असे त्यांनी यामध्ये म्हटले आहे. ५ फेब्रुवारी २०२५ रोजी दिल्ली विधानसभा निवडणुकीत भाजपचा एक कार्यकर्ता आधी मतदान करतो. त्यानंतर, आज ६ नोव्हेंबर २०२५ रोजी तो बिहार विधानसभा निवडणुकीत मतदान करतो. तो दिल्लीतील द्वारका आणि नंतर बिहारमधील सिवान येथे मतदान करतो. एसआयआरनंतर, इतर कोणत्याही राज्यात राहणाऱ्या व्यक्तीचे मत बिहारच्या मतदार यादीत समावेश होण्याची शक्यता उरली नाही. मग हे कसे घडले? असे किती भाजप कार्यकर्ते आहेत हे आज देशातील विविध राज्यांमधून येऊन बिहारमध्ये मतदान करत आहेत?, असा सवाल केला.

सौरभ भारद्वाज यांनी या भाजप कार्यकर्त्याची संपूर्ण प्रोफाइल देखील दिली. सौरभ यांच्या मते, या भाजप कार्यकर्त्याचे नाव नागेंद्र कुमार आहे आणि तो द्वारका विधानसभा मतदारसंघात राहतो. नागेंद्र कुमारच्या फेसबुक प्रोफाइलवरील पोस्ट दाखवत सौरभने स्पष्ट केले.  ५ फेब्रुवारी २०२५ रोजी दिल्ली विधानसभेत मतदान केल्यानंतर एक फोटो पोस्ट केला होता. त्यानंतर त्यांनी आजच्या भाजप कार्यकर्त्याचा आणखी एक फोटो दाखवला, हा फोटो बिहारमधील सिवान येथील असल्याचा आरोप आहे. जर त्यांचे नाव एसआयआरमध्ये आले असते तर त्यांचे नाव रद्द करायला हवे होते, परंतु तसे झाले नाही, असेही आप नेत्याने सांगितले.