BJP vs TRS: टीआरएसची भाजपवर गुजराती भाषेतून बोचरी टीका; भाजपचा उर्दूतून पलटवार

BJP vs TRS: गेल्या काही महिन्यांपासून TRS आणि BJP यांच्यातला राजकीय संघर्ष अधिक तीव्र झालेला पाहायला मिळत आहे.

नवी दिल्ली: तेलंगणा राज्याचे मुख्यमंत्री के चंद्रशेखर राव(KCR) आणि भाजप यांच्यातला संघर्ष वाढत आहे. गेल्या काही महिन्यांपासून केसीआर यांचा पक्ष टीआरएस(TRS) भाजपवर सातत्याने टीका करताना दिसत आहे. दरम्यान, नुकतेच पंतप्रधान नरेंद्र मोदी (Narendra Modi) तेलंगणा दौऱ्यावर गेले होते, तिथे भाजपच्या राष्ट्रीय कार्यकारिणीची बैठक पार पडली. यानंतर आता टीआरएसने भाजपवर गुजरातीतून टीका केली आहे.

एकेकाळी भाजप आणि नरेंद्र मोदी यांचे कौतुक करणारे केसीआर गेल्या काही महिन्यांपासून भाजपविरोधात आक्रमक होताना दिसत आहेत. दरम्यान, भाजपच्या हैदराबादमधील बैठकीनंतर केसीआर यांनी भाजपवर गुजराती भाषेतून निशाणा साधला आहे. पंतप्रधान नरेंद्र मोदी यांच्यावर टीका करण्यासाठी टीआरएसने गुजराती भाषेतून राज्याचा विकास सांगितला. तर, भाजपनेही एमआयएम(AIMIM) आणि टीआरएस पक्षाचे संबंध दाखण्यासाठी उर्दूमधून प्रत्युत्तर दिले. 

Modi Ji & his party have failed to recognise the unprecedented development TRS govt has done in Telangana. So here are Telangana achievements in the PM’s preferred language :

તેલંગાણા માં આપનું સ્વાગત છે

1. અર્થતંત્રમાં ભારતનો ચોથો સૌથી મોટો ફાળો આપનાર રાજ્ય

(1/5)

— TRS Party (@trspartyonline) July 2, 2022

टीआरएसची गुजरातीतून टीका
टीआरएसने आपल्या अधिकृत ट्विटर हँडलवरुन पीएम नरेंद्र मोदींना उद्देशून गुजराती भाषेमधून तेलंगाणातील विकास दाखवणारे मुद्दे मांडले. 'टीआरएस सरकारने तेलंगणात केलेला अभूतपूर्व विकास ओळखण्यात मोदी आणि त्यांचा पक्ष अपयशी ठरला आहे. पंतप्रधानांच्या पसंतीच्या भाषेत तेलंगणातील कामगिरी येथे आहेत,' असे कॅप्शन टीआरएसने प्रश्नांसोबत दिले.

People are frustrated with you, Mr KCR. You became deaf to the problems of Telangana.

Let's see if Shri KCR and super CM from Darussalam will listen if we tell them in their preferred language.

1- کی سی آر کی حکمرانی میں خوشحال ریاست قرض میں ڈوب گئی#SaaluDoraSelavuDora
1/n https://t.co/Ax4TlNaMFo

— BJP Telangana (@BJP4Telangana) July 3, 2022

भाजपचा उर्दुतून पलटवार
टीआरएसकडून भाजपवर गुजराती भाषेत टीका केल्यानंतर भाजप उर्दुतून पलटवार केला. भाजपने टीआरएस-एआयएमआयएम मैत्रीचे  संकेत देण्यासाठी उर्दुचा वापर केला. भाजपकडून टीआरएस सरकारचे अपयश मांडण्यात आले. यात शेतकरी आत्महत्या, सोनेरी तेलंगणाचे अधुरे स्वप्न आणि कर्जाचा मुद्दा आहे.