नवी दिल्ली - प्रेमासाठी अनेक जण वाटेल ते करतात. त्यांच्या प्रेमाचे भन्नाट किस्से हे नेहमीच ऐकायला मिळतात. प्रेम आंधळं असतं असं म्हणतात. अशीच एक घटना आता समोर आली आहे. बिहारमधील वैशाली येथे एक अजब प्रकार समोर आला आहे. भाऊ-बहीण एकमेकांच्या प्रेमात वेडे झाले आहेत. मंदिरात लग्न करून त्यांनी आता संसार थाटल्याने कुटुंबीय देखील हैराण झाले आहे. या घटनेने एकच खळबळ उडाली असून सर्वत्र फक्त याच लग्नाची चर्चा रंगली आहे.
चुलत भाऊ-बहिणीने गावातील एका मंदिरात लग्न केल्याचं समोर आलं आहे. या घटनेचा एक व्हिडीओ सध्या सोशल मीडियावर जोरदार व्हायरल झाला आहे. ही घटना भगवानपूर प्रखंड येथील एका गावामध्ये घडली आहे. या व्हिडीओमध्ये एक तरुण आणि तरुणी गावातील मंदिरात लग्न करत असल्याचं पाहायला मिळत आहे. धक्कादायक बाब म्हणजे लग्नाआधीच ही तरुणी 4 महिन्यांची गर्भवती आहे. गावामध्ये घडलेल्या या प्रकारामुळे सर्वांनाच धक्का बसला आहे.
गेल्या 3 वर्षांपासून प्रेम प्रकरण सुरू
मिळालेल्या माहितीनुसार, या भाऊ-बहिणीमध्ये गेल्या 3 वर्षांपासून प्रेम प्रकरण सुरू होतं. यांच्या लग्नाबद्दल कळताच त्यांच्या घरासमोर गावकरी जमा झाले. लग्नानंतर दोन्ही कुटुंबामध्ये थोडा वेळ तणावाचं वातावरण आहे. आता मुलीचं कुटुंब या लग्नाला परवानगी देणार की नाही याबाबत नेमकी माहिती मिळालेली नाही. दोघांची घरंही जवळपास आहेत. आणि नात्यात दोघेही चुलत भाऊ-बहीण आहेत. बुधवारी सोशल मीडियावर दोघांच्या लग्नाचा व्हिडीओ व्हायरल झाला.
चुलत बहिणीसोबत लग्न केल्यामुळे गावात मोठी चर्चा
सोशल मीडियावर व्हायरल झालेल्या व्हिडीओमध्ये एक तरुण हातात सिंदूर घेऊन बहिणीच्या भांगेत भरताना दिसत आहे. यानंतर खिशातून मंगळसूत्र काढतो आणि मुलीच्या गळ्यात घालतो. हे सर्व विधी करताना तरुणाने व्हिडीओ केला असून तो स्वत:च व्हायरल केला आहे. गावकऱ्यांना कळताच त्यांच्या घऱाबाहेर गर्दी जमा झाली. आपल्या चुलत बहिणीसोबत लग्न केल्यामुळे गावात मोठी चर्चा सुरू झाली. एका हिंदी वेबसाईटने याबाबतचे वृत्त दिले आहे.