कैमूर : बिहार येथील कैमूरमध्ये गेल्या 24 तासांपासून एक व्हिडीओ व्हायरल होत आहे. यामध्ये एका पोलीस स्टेशनमध्ये अधिकारी मसाज करुन घेताना दिसत आहेत. दरम्यान, या व्हिडीओची पडताळणी केल्यानंतर समजले की, हा व्हिडीओ जिल्हातील चैनपूर पोलीस स्टेशनमधील वरिष्ठ उप अधिक्षक जफर इमाम यांचा आहे.
व्हिडीओमध्ये वरिष्ठ उप अधिक्षक जफर इमाम पोलीस स्टेशनमध्ये काम करतेवेळी एका व्यक्तीकडून मसाज करुन घेत आहेत. तसेच, यावेळी जफर इमान काही फिर्यादींची तक्रार नोंदवून घेताना दिसत आहेत. विशेष म्हणजे, वर्दीत असताना ते मजाज करुन घेत आहेत.