सहरसा : बिहारच्या सहरसा जिल्ह्यातून एक धक्कादायक घटना समोर आली आहे. येथे चार घनिष्ठ मित्रांनी एकत्रितपणे कीटकनाशक औषध प्राशन केले. यात तीन जणांचा मृत्यू झाला असून, एका तरुणाची प्रकृती गंभीर आहे. घटनेनंतर परिसरात शोककळा पसरली असून, पोलीस संपूर्ण प्रकरणाचा तपास करत आहेत.
घटना कुठे आणि कशी घडली?
पोलिसांकडून मिळालेल्या माहितीनुसार, सहरसा जिल्ह्यातील कनेरिया पोलीस ठाणे हद्दीतील फरेवा मुसहरी गावात ही घटना घडली. चार मित्रांनी शनिवारी खत विक्रीच्या दुकानातून कीटकनाशक औषध खरेदी केले. त्यानंतर गावाबाहेरील मक्याच्या शेतात जाऊन एकत्पणे एक औषध प्राशन केले.
या घटनेत राजा कुमार (वय २०), सनी देओल (वय १८) आणि एका अल्पवयीन तरुणाचा मृत्यू झाला, तर चौथा अल्पवयीन तरुण गंभीर अवस्थेत असून त्याच्यावर उपचार सुरू आहेत.
उपचारादरम्यान मृत्यू
घटनेची माहिती मिळताच स्थानिकांनी सर्वांना तातडीने खगडिया येथील रुग्णालयात दाखल केले. उपचारादरम्यान प्रथम राजा कुमार आणि सनी देओल यांचा मृत्यू झाला. त्यानंतर काही वेळाने आणखी एका अल्पवयीन तरुणाने प्राण सोडले. चौथा तरुण अद्यापही गंभीर अवस्थेत आहे. चौघांनी असा टोकाचा निर्णय का घेतला, याबाबत अद्याप कोणतीही स्पष्ट माहिती समोर आलेली नाही.
पोलीस तपास सुरू
घटनेची माहिती मिळताच कनेरिया पोलीस ठाण्याचे अधिकारी पथकासह घटनास्थळी पोहोचले आणि तपास सुरू केला. घटनास्थळी FSL (फॉरेन्सिक सायन्स लॅब) पथकालाही बोलावण्यात आले. पोलिसांनी त्या ठिकाणाची पाहणी केली असून, कीटकनाशकाचे नमुने आणि प्लास्टिकचे ग्लास जप्त करण्यात आले आहेत. या सामूहिक आत्महत्येमागील नेमके कारण स्पष्ट झालेले नाही. चौथ्या मित्राचा जीव वाचला, तर तो कारण सांगू शकेल.
Web Summary : In Bihar, four friends consumed pesticide; three died, one is critical. They bought the poison at a shop. Police are investigating the tragic incident in Saharsa, but the motive remains unknown.
Web Summary : बिहार के सहरसा में चार मित्रों ने कीटनाशक पिया; तीन की मौत, एक गंभीर। उन्होंने दुकान से जहर खरीदा था। पुलिस मामले की जांच कर रही है, लेकिन मकसद अभी भी अज्ञात है।