भीम आर्मी हे तर भाजपाचे प्रॉडक्ट - मायावती

उत्तर प्रदेशमधील सहारनपूरमध्ये पसरलेल्या जातीय तणावाच्या पार्श्वभूमीवर भीम आर्मी चर्चेत आली आहे. मात्र ही भीम आर्मी हे

ऑनलाइन लोकमत 

नवी दिल्ली, दि. 25 -  उत्तर प्रदेशमधील सहारनपूरमध्ये पसरलेल्या जातीय तणावाच्या पार्श्वभूमीवर भीम आर्मी चर्चेत आली आहे. मात्र ही भीम आर्मी हे भाजपाचे अपत्य असून तिचा बसपाशी काहीही संबंध नाही, असे बसपा प्रमुख मायावती यांनी स्पष्ट केले आहे.एका गोपनीय अहवावालात भीम आर्मी ही बसपा आणि मायावतींचे बंधू आनंद कुमार यांच्याशी संबंधित असल्याचे वृत्त पसरले होते. 

 

या आरोपांबाबत बोलताना मायावती म्हणाल्या, "माझे बंधू तसेच पक्षाच्या अन्य वरिष्ठ नेत्यांचा भीम आर्मीशी काहीही संबंध नाही.  बसपा या आरोपांचे खंडन करते. भीम आर्मी ही पूर्णपणे भाजपाचे प्रॉडक्ट असल्याचे सहारनपूरमधील भाजपा कार्यकर्त्यांचे म्हणणे आहे."

 

भीम आर्मी संबंधीच्या गोपनीय अहवालात बीएसपीचे राष्ट्रीय उपाध्यक्ष आणि मायावतींचे बंधू आनंद कुमार यांनी भीम आर्मीला निधी पुरवल्याची माहिती नमूद करण्यात आली होती. उघड झालेल्या कागदपत्रांमध्ये या संघटनेचे प्रमुख चंद्रशेखर यांच्याबाबतही माहिती देण्यात आली आहे. चंद्रशेखर हे पेशाने वकील असल्याचे त्यात म्हटले आहे.  

 

 ( सहारनपूर हिंसेसाठी BJP-RSS जबाबदार- मायावती) 

 

 

दरम्यान, सहारनपूरमधील वातावरण अद्यापही  तणावपूर्ण आहे. तसेच भीम आर्मी राज्य पोलिसांसाठी आव्हान बनली   आहे.  मंगळवारी बसपा प्रमुख मायावती यांनी सहारनपूरचा दौरा केल्यानंतर बडगाव विभागात पुन्हा हिंसाचार उफाळला. त्यानंतर हा हिंसाचार हळुहळू बाकीच्या गावांमध्येही पोहोचला. वाढत्या हिंसाचारामुळे राज्यात हाय अॅलर्ट घोषित करण्यात आला आहे. सहारनपूरमध्ये पुन्हा हिंसाचार उफाळल्याने मुख्यमंत्री योगी आदित्यनाथ नाराज झाले असून, परिस्थितीचा कठोरपणे सामना करण्याचे आदेश त्यांनी दिले आहेत.  

#Saharanpur mein BSP ke logon ka maanna hai ki Bhim Army purey tarah se Bharatiya Janata Party ka hi product hai: BSP chief Mayawati pic.twitter.com/DplNeOQWDK

— ANI UP (@ANINewsUP) May 25, 2017

My brother & senior leaders of BSP have no connection with Bhim Army. Our party condemns the allegations: BSP chief Mayawati pic.twitter.com/Fmbz0yuI3T

— ANI UP (@ANINewsUP) May 25, 2017

सहारनपूरमध्ये ठाकूर आणि दलितांमधल्या दोन गटांत वाद उफाळून आला होता. बुधवारी सकाळच्या सुमारास जनकपुरीतल्या जनता रोडवर एका व्यक्तीवर गोळी झाडण्यात आली. त्याला जिल्हा रुग्णालयात दाखल करण्यात आलं होतं. तर बडगावमध्येही दोघांवर चेहरा झाकून एका अज्ञातानं गोळीबार केला. त्या गोळीबारात रस्त्यावरच दोघे ठार झाले. पोलिसांच्या माहितीनुसार, हे प्रकार दलितांनी घडवून आणले आहेत. सहारनपूर परिसरात जबरदस्त पोलीस फौजफाटा तैनात करण्यात आला आहे.