जम्मू काश्मीरमधील चकमकीत लष्करचा म्होरक्या ठार

जम्मू-काश्मीरमधील बारामुल्ला जिल्ह्यातील सोपोर येथे सुरक्षा दलाचे जवान व दहशतवाद्यांदरम्यान झालेल्या चकमकीत 'लष्कर-ए-तोयबा' या दहशतवादी संघटनेचा म्होरक्या ठार झाला आहे.

ऑनलाइन टीम

सोपोर, दि. २३ - जम्मू-काश्मीरमधील बारामुल्ला जिल्ह्यातील सोपोर येथे सुरक्षा दलाचे जवान व दहशतवाद्यांदरम्यान झालेल्या चकमकीत 'लष्कर-ए-तोयबा' या दहशतवादी संघटनेचा म्होरक्या ठार झाला आहे. रविवारी झालेल्या या चकमकीत मोहम्मद भाई हा अतिरेकी ठार झाला असून सोमवारी त्याचा मृतदेह हाती लागला. 

सोपोर येथील एका घरात दोन दहशतवादी लपल्याची माहिती सुरक्षा जवानांना मिळाली होती, त्यानुसार रविवारी दुपारी शोधमोहिम सुरू करण्यात आली. दहशतवाद्यांनी जवानांवर गोळीबार करण्याचा प्रयत्न केला असता, जवानांनीही त्यांना चोख प्रत्युत्तर दिले व एका दहशतवाद्याला कंठस्नान घातले. सोमवारी सकाळी त्याचा मृतदेह सापडला असता तो लष्करचा म्होरक्या असल्याची माहिती समोर आली.