जम्मू : चिनी बनावटीच्या ड्रोनद्वारे पाकिस्ताननेभारतातील पंजाबमध्ये रायफली व दारुगोळा पाठवल्याचे उघड झाल्यानंतर भारत-पाक सीमेवर लष्कर व बीएसएफला रेड अलर्टचा इशारा देण्यात आला आहे.काश्मीरमध्ये पाकिस्तान हवाई घुसखोरी करण्याची शक्यता असल्याने आंतरराष्ट्रीय सीमा व प्रत्यक्ष नियंत्रण रेषेवर जम्मू, सांबा, राजौरी, पुंछ, बारामुल्ला आदी भागांमध्ये लष्करी जवानांना अतिदक्ष राहाण्यास सांगण्यात आले आहे. ड्रोनच्या सहाय्याने भारतात शस्त्रे व दारुगोळा पाठविणे ही पाकिस्तानची नवी चाल आहे. काश्मीरमधील दहशतवाद्यांना ही शस्त्रे पाठविण्यात येणार होती.
भारत-पाक सीमेवर लष्कर, बीएसएफला रेड अलर्टचा इशारा
By ऑनलाइन लोकमत | Updated: September 27, 2019 06:54 IST