नवी दिल्ली - राजधानी दिल्लीत डिसेंबर 2012 मध्ये ‘निर्भया’वर झालेला बलात्कार आणि पुढे तिचा मृत्यू या घटनाक्रमाने संपूर्ण देश हादरला होता. आशीच घटना पुन्हा एकदा दिल्लीत घडली आहे. 11 वी मध्ये शिकणाऱ्या एका विद्यार्थीनीवर चालत्या गाडीत बलात्कार झाल्याची घटना समोर आलेली आहे.
माध्यमांच्या वृत्तानुसार, ओळखीच्या तीन जणांनी पीडित मुलीवर अत्याचार केला आहे. यामध्ये एक विद्यार्थी, नातेवाईक आणि आणखी एक व्यक्तीचा समावेश आहे. तीन जणांनी चालू कारमध्ये 11 तास सामुहिक बलात्कार केला. त्यानंतर पहाटे दीड वाजता तिला रस्त्याच्या कडेला फेकून दिले. ही घटना रविवार 18 एप्रिल रोजीची घटना आहे. या घटनेचा खुलासा काल झाला. पीडित मुलगी अल्पवयीन आहे. आरोपीवर पास्को अंतर्गत गुन्हा दाखल करण्यात आला आहे. एकाही आरोपीला पडकण्यात पोलिसांना यश आलेल नाही. रस्त्यावर पीडितेला फेकून दिल्यानंतर आरोपी फरार झाले आहेत.
पोलिसांनी दिलेल्या माहितीनुसार, आरोपीमध्ये नातेवाईक आणि वर्गमित्राचा समावेश आहे. घटनेच्या दिवशी मुलीची स्कूलबस सुटली होती. ती चालत घरी जात होती त्यावेली त्याचा फायदा आरोपीने घेतला. घरी सोडण्याच्या बहाण्याने तिला कारमध्ये बसवले आणि 11 तास तिच्यावर धावत्या गाडीत बलात्कार केला. मुलगी घरी न आल्यामुळं पालकांनी पोलिस स्टेशनमध्ये तक्रार दाखल केली होती. 19 एप्रिल रोजी रात्री नॉलेज पार्कजवळील गलगोटिया कॉलेज जवळ पोलिसांना पीडित मुलगी मिळाली. सध्या पोलिस आरोपींच्या शोधात आहेत.