जम्मू काश्मीरः जम्मू-काश्मीरमध्ये पुन्हा एकदा दहशतवाद्यांनी हल्ला केला आहे. अनंतनाग येथील केपी रोडवर सीआरपीएफच्या जवानांवर दहशतवाद्यांनी गोळीबार केला. या गोळीबारात पाच सीआरपीएफचे जवान शहीद झाले आहेत.
मिळालेल्या माहितीनुसार, अनंतनाग येथील केपी रोडवर सीआरपीएफच्या जवानांवर दहशतवाद्यांनी गोळीबार केला. या गोळीबाराला सीआरपीएफच्या जवानांनी प्रत्युत्तर देत एका दहशतवाद्याचा खात्मा केला. मात्र, दहशतवाद्यांनी केलेल्या गोळीबारात सीआरपीएफचे पाच जवान शहीद झाले. दरम्यान तसेच, याठिकाणी जवान आणि दहशतवादी यांच्यात चकमक सुरु आहे.
दरम्यान, गेल्या चार दिवसांपूर्वी अनंतनाग जिल्ह्यातील नौगाम शाहबाग लष्कर आणि दहशतवाद्यांमध्ये चकमक झाली. या चकमकीत एका दहशतवाद्याचा खात्मा करण्यात लष्कराला यश आले. या वर्षाच्या सुरुवातीपासून आतापर्यंत सुरक्षा दलांनी 100 हून अधिक दहशतवाद्यांना कंठस्नान घातले आहे.
(अनंतनाग येथील चकमकीत लष्कराकडून एका दहशतवाद्याचा खात्मा )