नवी दिल्ली: उद्योगपती आनंद महिंद्रा(Anand Mahindra) ट्विटरवर प्रचंड अॅक्टीव्ह आहेत. अनेकदा ते त्यांच्या ट्विटरवरुन मजेशीर फोटो किंवा व्हिडिओ शेअर करत असतात. त्यांचे ट्विटरवर लाखो चाहते आहेत, त्यांच्या ट्विटची वाट पाहत असतात. सध्या आनंद महिंद्रा यांनी केलेलं एक ट्विट चांगलच व्हायरल होतयं. या ट्विटमधून त्यांनी एका खोट्या बातमीचा खुलासा केला आहे.
बऱ्याचदा जगातील काही मोठ्या व्यक्तींच्या नावे अनेक गोष्टी व्हायरल होतात. यात प्रामुख्याने मोठ्या व्यक्तींनी बोलली वाक्ये, त्यांची भाषणं किंवा इतर लिखीत गोष्टी. अशाच प्रकारची घटना आनंद महिंद्रा यांच्यासोबत झाली आहे. आनंद महिंद्रा यांच्या नावाने एक विधान सोशल मीडियावर व्हायरल होत आहे. पण, प्रत्यक्षात हे विधान आनंद महिंद्रा यांनी केलंच नाही. स्वतः आनंद महिंद्रा यांनी याबाबत खुलासा केला आहे.