श्रीनगर - अतिवृष्टी व खराब हवामानामुळे अमरनाथ यात्रा थांबवण्यात आली आहे. जम्मू-काश्मीरमध्ये अमरनाथच्या यात्रेदरम्यान बलाटल मार्गावरील ब्रारीमार्ग येथे मंगळवारी (3 जुलै) दरड कोसळली. या घटनेत 5 भाविकांचा जागीच मृत्यू झाला असून तीन जण गंभीर जखमी झाले आहेत. या पार्श्वभूमीवर खबरदारी म्हणून पहलगाम आणि बलाटल बेस कॅम्प येथे लष्कराकडून यात्रा थांबवण्यात आली आहे. यापूर्वीही बलाटलला जाणाऱ्या रस्त्यावर अतिवृष्टी झाल्यामुळे या भाविकांना 28 जूनला बलाटल बेस कॅम्पजवळ थांबवण्यात आले होते.
दरम्यान, वाढत्या दहशतवादी कारवायांच्या पार्श्वभूमीवर लष्कराने अमरनाथ यात्रेदरम्यान कडेकोट सुरक्षा व्यवस्था तैनात केली आहे.