टाटा समूहाचे अध्यक्ष एन चंद्रशेखरन यांनी एअर इंडियाच्या आंतरराष्ट्रीय विमानात एका प्रवाशाने महिलेवर लघुशंका केलेल्या प्रकरणावर प्रतिक्रिया दिली आहे. या प्रकरणी एअर इंडियाची कारवाई वेगवान असायला हवी होती, असे त्यांनी म्हटले आहे.
एन चंद्रशेखरन यांनी एका निवेदन प्रसिद्ध केले आहे. 'आम्ही या परिस्थितीला ज्या प्रकारे हाताळायला हवे होते त्या पद्धतीने आम्ही हाताळले नाही. यापूर्वी, हवाई वाहतूक उद्योगावर देखरेख ठेवणारी सरकारी संस्था डीजीसीएने याप्रकरणी एअर इंडियाला फटकारले होते. यानंतर टाटा समूहाचे अध्यक्ष एन चंद्रशेखरन यांचे हे वक्तव्य आले आहे.
'या प्रकरणी एअर इंडियाची प्रतिक्रिया जलद आणि तत्काळ असायला हवी होती. गेल्या वर्षी २६ नोव्हेंबरला एअर इंडियाच्या न्यूयॉर्कहून नवी दिल्लीला जाणाऱ्या विमानात एका मद्यधुंद व्यक्तीने महिला सहप्रवाशावर लघुशंका केल्याचा आरोप केला होता. पीडित महिला ज्येष्ठ नागरिक असून तिचे वय ७० पेक्षा जास्त आहे. बिझनेस क्लासमध्ये ही घटना घडली. याप्रकरणी आरोपी शंकर मिश्रा याला दिल्ली पोलिसांनी शनिवारी बेंगळुरू येथून अटक केली.
ही घटना प्रसारमाध्यमांमध्ये येताच प्रचंड खळबळ उडाली. "26 नोव्हेंबर 2022 रोजी एअर इंडियाच्या फ्लाइट AI102 ची घटना ही माझ्यासाठी आणि एअर इंडियामधील माझ्या सहकाऱ्यांसाठी वैयक्तिक वेदनादायक बाब आहे. एअर इंडियाचा प्रतिसाद खूप असायला हवा होता. जलद. आम्ही ही परिस्थिती जशी हवी तशी हाताळण्यात अयशस्वी झालो, असंही अध्यक्ष एन चंद्रशेखरन म्हणाले.
'एकेकाळी सरकारी क्षेत्रातील विमान कंपनी असलेल्या एअर इंडियाला काही महिन्यांपूर्वी टाटा समूहाने भारत सरकारकडून विकत घेतली. टाटा समूह आणि एअर इंडिया त्यांच्या प्रवाशांच्या आणि क्रूच्या सुरक्षेसाठी अत्यंत प्रामाणिकपणे वचनबद्ध आहेत. या स्वरूपाच्या कोणत्याही घटना टाळण्यासाठी किंवा निराकरण करण्यासाठी आम्ही प्रत्येक प्रक्रियेचे पुनरावलोकन करू. आरोपी प्रवाशाला 30 दिवसांसाठी उड्डाण करण्यास बंदी घातली आहे आणि परिस्थिती हाताळण्यात कर्मचाऱ्यांकडून चूक झाली की नाही याची चौकशी करण्यासाठी अंतर्गत पॅनेल स्थापन केले आहे, असंही एन चंद्रशेखरन म्हणाले.