हत्येचा आरोप, जन्मठेपेची शिक्षा, ४२ वर्षे तुरुंगात, अखेर १०० व्या वर्षी कोर्टाने केली निर्दोष मुक्तता

Court News: न्यायालयीन प्रक्रियेत वर्षानूवर्षे प्रलंबित राहणारे खटले, न्यायदानात होणारी दिरंगाई ही भारतीयांसाठी नवी नाही. अशीच एक अजब घटना समोर आली आहे. येथील अलाहाबाद उच्च न्यायालयाने १०० वर्षांच्या एका वयोवृद्ध आरोपाची खुनाच्या गुन्ह्यातून निर्दोष मुक्तता केली आहे.

न्यायालयीन प्रक्रियेत वर्षानूवर्षे प्रलंबित राहणारे खटले, न्यायदानात होणारी दिरंगाई ही भारतीयांसाठी नवी नाही. अशीच एक अजब घटना समोर आली आहे. येथील अलाहाबाद उच्च न्यायालयाने १०० वर्षांच्या एका वयोवृद्ध आरोपाची खुनाच्या गुन्ह्यातून निर्दोष मुक्तता केली आहे. या व्यक्तीला खुनाच्या गुन्ह्यात जन्मठेपेची शिक्षा झाली होती. तसेच त्याने या शिक्षेला न्यायालयात आव्हान दिले होते. मात्र हा खटला सुमारे ४० वर्षे चालला. तसेच अखेरीस त्याची न्यायालयाने या प्रकरणातून निर्दोष मुक्तता केली. मात्र या दिरंगाईमुळे या व्यक्तीला प्रचंड मानसिक आणि सामाजिक त्रास सहन करावा लागला.

धनी राम असं वयाच्या १०० व्या वर्षी खुनाच्या गुन्ह्यातून निर्दोष मुक्तता झालेल्या व्यक्तीचं नाव आहे. १९८२ साली जमिनीच्या वादातून एक हत्या झाली होती. या प्रकरणी मैकू, सत्ती दीन आणि धनी राम यांच्यावर आरोप झाला होता. यापैकी मैकू हा फरार झाला होता. तर हमीरपूर सेशन्स कोर्टाने १९८४ मध्ये सत्ती दीन आणि धनी राम यांना जन्मठेपेची शिक्षा सुनावली. धनीराम त्याच वर्षी जामिनावर मुक्त झाला होता. तर सत्ती दीन याचा अपीलादरम्यान, मृत्यू झाला होता. त्यामुळे या प्रकरणात धनी राम हा एकमेव जीवित अपीलकर्ता उरला होता.

या प्रकरणी सुनावणी करताना न्यायमूर्ती चंद्रधारी सिंह आणि न्यायमूर्ती संजीव कुमार यांच्या विभागीय खंडपीठाने अपिलासाठी बराच काळ झालेला उशीर, आरोपी धनी राम याचं वय या बाबी दिलासा देण्यासाठी सबळ कारण आहेत. असे सांगितले. त्याबरोबरच सरकारी पक्ष आरोपींवर कुठल्याही संशयाशिवाय आरोप सिद्ध करण्यात अपयशी ठरले ही बाबही खंडपीठाने अधोरेखित केली.  तसेच आरोपीने अनेक वर्षे झेललेली चिंता, अनिश्चितता आणि सामाजिक परिणाम याकडे दुर्लक्ष करता येणार नाही, असेही न्यायमूर्तींनी नमूद केले.

दरम्यान, धनी राम याची निर्दोष मुक्तता झाल्यानंतर त्याच्या वकिलाने सांगितले की, अपिलकर्त्याचं आजचं वय हे १०० वर्षे आहे. तसेच त्याने केवळ माइकू याला पीडितावर गोळीबार करण्यासाठी चिथावणी दिली होती.